ಅಯೋಧ್ಯೆ : ಹಿಂದಿ ಹೊಸ ವರ್ಷದ ವಿಕ್ರಮ ಸಂವತ್ 2079ರ ಸಂದರ್ಭದಲ್ಲಿ ಅಯೋಧ್ಯೆಯ ರಾಮ ಜನ್ಮಭೂಮಿ ಸಂಕೀರ್ಣದಲ್ಲಿ ನಡೆಯುತ್ತಿರುವ ದೇವಾಲಯದ ನಿರ್ಮಾಣದ ಗರ್ಭಗುಡಿಯ ಜಾಗದಲ್ಲಿ ಧ್ವಜ ಪೂಜೆಯನ್ನು ಮಾಡಲಾಯಿತು. ರಾಮಲಾಲರು ಆಸೀನರಾಗುವ ಸ್ಥಳದಲ್ಲಿ ಆಚಾರ್ಯರು ಮಂತ್ರಘೋಷಗಳ ಮಧ್ಯೆ ನೂತನ ಧ್ವಜಾರೋಹಣ ಮಾಡಿದರು.
ಮಾಹಿತಿ ಪ್ರಕಾರ ಕಳೆದ ವರ್ಷವೂ ಧ್ವಜಾರೋಹಣ ಮಾಡಲಾಗಿತ್ತು. ಹಿಂದಿ ಕ್ಯಾಲೆಂಡರ್ ಸಂಪ್ರದಾಯದ ಪ್ರಕಾರ, ಹೊಸ ವರ್ಷದ ಆರಂಭದಲ್ಲಿ ಹೊಸ ಧ್ವಜವನ್ನು ಹಾರಿಸಿಲಾಗುತ್ತದೆ. ಶುಕ್ರವಾರವೇ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಅವರು ನಿರ್ಮಾಣ ಸ್ಥಳಕ್ಕೆ ಭೇಟಿ ನೀಡಿ ರಾಮಲಾಲ ದೇವರ ದರ್ಶನ ಪಡೆದು ಕಾಮಗಾರಿಯ ಪರಿಶೀಲನೆ ನಡೆಸಿದರು.
ವೇದಿಕೆ ಸಿದ್ಧ, ಈಗ ಮಂದಿರ ನಿರ್ಮಾಣ : ರಾಮಜನ್ಮಭೂಮಿ ಸಮುಚ್ಚಯ ಮಂದಿರ ನಿರ್ಮಾಣ ಕಾಮಗಾರಿ ನಡೆಯುತ್ತಿದ್ದು, ನೆಲ ಸಮತಟ್ಟು, ವೇದಿಕೆ ಮಾಡುವ ಕಾಮಗಾರಿ ಪೂರ್ಣಗೊಂಡಿದೆ. ದೇವಾಲಯದ ನಿರ್ಮಾಣಕ್ಕಾಗಿ ಕಲ್ಲುಗಳನ್ನು ಸಾಗಿಸಲಾಗಿದೆ. ಈಗ ಭೂಮಿಯ ಮೇಲಿನ ಮೇಲ್ಮೈಯಲ್ಲಿ ದೇವಾಲಯದ ನಿರ್ಮಾಣ ಕಾರ್ಯವನ್ನು ಪ್ರಾರಂಭಿಸಲು ಸಿದ್ಧತೆಗಳು ನಡೆಯುತ್ತಿವೆ. ಡಿಸೆಂಬರ್ 2023ರ ವೇಳೆಗೆ ರಾಮ ಮಂದಿರ ನಿರ್ಮಾಣ ಪೂರ್ಣಗೊಳ್ಳುವ ಸಾಧ್ಯತೆಗಳಿವೆ.
ಧ್ವಜ ಪೂಜೆ : ವೈದಿಕ ಆಚಾರ್ಯ ನಾರದ ಭಟ್ಟರು ಹಾಗೂ ದುರ್ಗಾಪ್ರಸಾದ್ ಗೌತಮ್ ಅವರು ವೈದಿಕ ಶಾಸನದ ಮೂಲಕ ಧ್ವಜಾರೋಹಣ ನೆರವೇರಿಸಿದರು. ಈ ಸಂದರ್ಭದಲ್ಲಿ ಯೋಜನಾ ವ್ಯವಸ್ಥಾಪಕ ಜಗದೀಶ್ ಅಫ್ಲೆ, ವಿನೋದ್ ಶುಕ್ಲಾ ವಿನೋದ್ ಮೆಹ್ತಾ ಮತ್ತಿತರರು ಉಪಸ್ಥಿತರಿದ್ದರು.
ಇದನ್ನೂ ಓದಿ: Watch... ಯುಗಾದಿ ನಿಮಿತ್ತ ಶ್ರೀ ಲಕ್ಷ್ಮಿ ವೆಂಕಟೇಶ್ವರ ಸ್ವಾಮಿಗೆ ಪ್ರಾರ್ಥನೆ ಸಲ್ಲಿಸಿದ ಮುಸ್ಲಿಂ ಬಾಂಧವರು
