ನವದೆಹಲಿ: ದಿನಸಿ ಪದಾರ್ಥಗಳಿಗಾಗಿ ಪರದಾಡುತ್ತಿರುವ ಜನರಿಗೆ ರೇಷನ್ ಕಾರ್ಡ್ ಹೊರತುಪಡಿಸಿ ಬೇರಾವ ದಾಖಲೆಗಳನ್ನು ಪರಿಗಣಿಸಿ ಪಡಿತರ ನೀಡಬಹುದೆಂಬುದನ್ನು ರಾಜ್ಯಗಳು ಪರಿಶೀಲಿಸಲಿ ಎಂದು ಸುಪ್ರೀಂಕೋರ್ಟ್ ಸೂಚಿಸಿದೆ.
ರೇಷನ್ಕಾರ್ಡ್ ಇಲ್ಲದವರಿಗೂ ಪಡಿತರ ನೀಡುವಂತಾಗಲು ಪಡಿತರ ವ್ಯವಸ್ಥೆಯನ್ನೇ ಸಾರ್ವತ್ರೀಕರಣಗೊಳಿಸಬೇಕು ಎಂದು ಸಲ್ಲಿಸಲಾಗಿದ್ದ ಸಾರ್ವಜನಿಕ ಹಿತಾಸಕ್ತಿ ಅರ್ಜಿಯ ವಿಚಾರಣೆ ನಡೆಸಿದ ಸುಪ್ರೀಂಕೋರ್ಟ್, ಪರ್ಯಾಯ ದಾಖಲೆಗಳನ್ನು ಪರಿಗಣಿಸಿ ಪಡಿತರ ನೀಡುವಂತೆ ರಾಜ್ಯಗಳಿಗೆ ಸೂಚಿಸಿ ಎಂದು ಕೇಂದ್ರ ಸರ್ಕಾರದ ಪರ ವಕೀಲ ಸಾಲಿಸಿಟರ್ ಜನರಲ್ ತುಷಾರ ಮೆಹ್ತಾ ಅವರಿಗೆ ನಿರ್ದೇಶನ ನೀಡಿತು.
ಈ ಕುರಿತು ತಾವು ಈಗಾಗಲೇ ನೀಡಿದ ಆದೇಶ ಜೂನ್ 1 ರಿಂದ ಜಾರಿಗೆ ಬರಲಿದೆ. ಆದಾಗ್ಯೂ ರಾಜ್ಯಗಳು ಈ ಆದೇಶ ಜಾರಿ ದಿನಾಂಕ ಕುರಿತು ಮರು ಪರಿಶೀಲಿಸಬಹುದು ಎಂದು ಹೇಳಿತು.
