ಲೂಧಿಯಾನ (ಪಂಜಾಬ್) : ಮನೆ ಮುಂದೆ ತಮ್ಮ ಮನೆಯವರೊಂದಿಗೆ ಮಲಗಿದ್ದ 4 ವರ್ಷದ ಪುಟ್ಟ ಮಗುವನ್ನು ಕದಿಯಲು ಯತ್ನಿಸಿದ ಕಳ್ಳನನ್ನು ಪೊಲೀಸರು ಬಂಧಿಸಿದ್ದಾರೆ.
ಲೂಧಿಯಾನದ ರಿಷಿ ನಗರದಲ್ಲಿ ತಮ್ಮ ಮನೆ ಮುಂದೆ ಈ ಮಗು ಸೇರಿದಂತೆ ಮನೆಯವರು ಕೂಡಾ ಮಲಗಿದ್ದರು. ಈ ವೇಳೆ ಸೈಕಲ್ನಲ್ಲಿ ಬಂದ ಕಳ್ಳ ಮಲಗಿದ್ದ ಮಗುವನ್ನು ಎತ್ತಿಕೊಂಡು ತನ್ನ ಸೈಕಲ್ನಲ್ಲಿ ಕೂರಿಸಿ ಪರಾರಿಯಾಗಲು ಯತ್ನಿಸಿದ್ದಾನೆ. ಈ ವೇಳೆ ಮಗುವಿನ ಪಕ್ಕದಲ್ಲೇ ಮಲಗಿದ್ದ ಮನೆಯ ಸದಸ್ಯರೊಬ್ಬರು ಮಗುವನ್ನು ಕಳ್ಳನಿಂದ ರಕ್ಷಿಸಿದ್ದಾರೆ.
ಈ ದೃಶ್ಯಗಳು ಅಲ್ಲಿಯೇ ಇದ್ದ ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದೆ. ಬಳಿಕ ಕಳ್ಳನನ್ನು ಪೊಲೀಸರು ಬಂಧಿಸಿದ್ದಾರೆ.