'ಯೋಜನೆಗಳಿಗೆ ಸಿಟ್‌ಡೌನ್‌ ಇಂಡಿಯಾ,ಶಟ್‌ ಡೌನ್ ಇಂಡಿಯಾ,ಶಟ್‌ ಅಪ್‌ ಇಂಡಿಯಾ ಎಂದು ಹೆಸರಿಡಿ'

ಕೇಂದ್ರದ ಬಿಜೆಪಿ ಸರ್ಕಾರದ ವಿರುದ್ಧ ಲೋಕಸಭೆಯಲ್ಲಿ ಕಿಡಿಕಾರಿದ ಶಶಿ ತರೂರ್, ಸರ್ಕಾರಿ ಯೋಜನೆಗಳಿಗೆ 'ಸಿಟ್-ಡೌನ್ ಇಂಡಿಯಾ', 'ಶಟ್​-ಡೌನ್ ಇಂಡಿಯಾ' ಹಾಗೂ 'ಶಟ್​​-ಅಪ್​ ಇಂಡಿಯಾ​​' ಎಂದು ಹೆಸರಿಡಬೇಕು ಎಂದು ಲೇವಡಿ ಮಾಡಿದರು.

ನವದೆಹಲಿ: ಸರ್ಕಾರಿ ಯೋಜನೆಗಳಿಗೆ 'ಸಿಟ್-ಡೌನ್ ಇಂಡಿಯಾ', 'ಶಟ್​-ಡೌನ್ ಇಂಡಿಯಾ' ಹಾಗೂ 'ಶಟ್​​-ಅಪ್​ ಇಂಡಿಯಾ​​' ಎಂದು ಹೆಸರಿಡಬೇಕು ಎಂದು ಕಾಂಗ್ರೆಸ್​ ನಾಯಕ ಶಶಿ ತರೂರ್​ ಲೇವಡಿ ಮಾಡಿದರು.

ಕಳೆದ ಆರು ವರ್ಷಗಳಿಂದ ದೇಶದ ಆಡಳಿತ ನಡಸುತ್ತಿರುವ ಬಿಜೆಪಿ ಸರ್ಕಾರದ ವಿರುದ್ಧ ಲೋಕಸಭೆಯಲ್ಲಿ ಕಿಡಿಕಾರಿದ ಶಶಿ ತರೂರ್,ಸ್ಟಾ ರ್ಟ್​-ಅಪ್​​ ಇಂಡಿಯಾ, ಮೇಕ್​ ಇನ್​ ಇಂಡಿಯಾ, ಸ್ಕಿಲ್​ ಇಂಡಿಯಾ ಬದಲಾಗಿ ಸರ್ಕಾರಿ ಯೋಜನೆಗಳಿಗೆ ಸಿಟ್-ಡೌನ್ ಇಂಡಿಯಾ, ಶಟ್​-ಡೌನ್ ಇಂಡಿಯಾ ಹಾಗೂ ಶಟ್​​-ಅಪ್​ ಇಂಡಿಯಾ​​ ಎಂದು ಹೆಸರಿಡಬೇಕು. ಸ್ಟಾಂಡ್​-ಅಪ್​ ಹಾಸ್ಯಗಾರರಿಗೆ ನೀವು ಈಗಾಗಲೇ ನಿಷೇಧಗಳನ್ನ ಹೇರಿರುವುದರಿಂದ 'ಸ್ಟಾಂಡ್​-ಅಪ್ ಇಂಡಿಯಾ'ದ ಬಗ್ಗೆ ಮಾತನಾಡುವುದಿಲ್ಲ ಎಂದು ವ್ಯಂಗ್ಯವಾಡಿದರು.

ಫೆ.1 ರಂದು ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್​ ಮಂಡಿಸಿದ ಕೇಂದ್ರ ಬಜೆಟ್​ ಅನ್ನು ಟೀಕಿಸಿದ್ದ ತರೂರ್​, ಇದೊಂದು ಸಿಟ್​-ಡೌನ್​ ಬಜೆಟ್​. ಸೀತಾರಾಮನ್ ಅವರ ಭಾಷಣ ಎಷ್ಟು ದೀರ್ಘವಾಗಿತ್ತೆಂದರೆ ಟಿ-ಟ್ವೆಂಟಿ ಪಂದ್ಯ ಮುಗಿಸಿದಂತಿತ್ತು, ಆದರೆ ಪಂದ್ಯದಷ್ಟು ಉತ್ಸಾಹಭರಿತವಾಗಿರಲಿಲ್ಲ ಎಂದು ಹೇಳಿದ್ದರು.