ನವದೆಹಲಿ: ತಮಿಳುನಾಡಿನಲ್ಲಿ ಕುಡಿವ ನೀರಿನ ಅಭಾವ ಯಥೇಚ್ಛವಾಗಿದ್ದು, ಅಲ್ಲಿನ ಜನರ ಬಾಯಲ್ಲಿ 'ಚಿನ್ನಕ್ಕಿಂತ ನೀರಿನ ದರವೇ ಅಧಿಕ' ಎಂಬ ಉಕ್ತಿ ಹರಿದಾಡುತ್ತಿದೆ ಎಂದು ರಾಜ್ಯಸಭೆಯಲ್ಲಿ ಪ್ರತಿಧ್ವನಿಸಿತು.
ಮೇಲ್ಮನೆಯ ಸಂಸತ್ ಅಧಿವೇಶನದ ಶೂನ್ಯ ವೇಳೆ ಸಂದರ್ಭದಲ್ಲಿ ಸಿಪಿಐ-(ಎಂ)ನ ಟಿ.ಕೆ. ರಂಗರಾಜನ್ ಮಾತನಾಡಿ, 'ದೇಶದಲ್ಲೇ ಚೆನ್ನೈ ಪ್ರಥಮ ತೇವಾಂಶರಹಿತ ನಗರ'ವಾಗಿದೆ. ಕೇಂದ್ರ ಜಲ ಆಯೋಗದ ವರದಿ ಪ್ರಕಾರ ಜೂನ್ 13ರವರೆಗೆ ಚೆನ್ನೈನಲ್ಲಿ ಶೇ 41ರಷ್ಟು ಮಳೆಯ ಅಭಾವ ಇರುವುದಾಗಿ ತಿಳಿಸಿದೆ ಎಂದರು.
ಚೆನ್ನೈನ ಬಹುತೇಕ ನಾಗರಿಕರು ಕುಡಿವ ನೀರಿಗಾಗಿ ವಾಟರ್ ಟ್ಯಾಂಕರ್, ಪಾಲಿಕೆ ಹಾಗೂ ಖಾಸಗಿ ಪೂರೈಕೆದಾರರನ್ನು ಅವಲಂಬಿಸಿದ್ದಾರೆ. ಒಂದು ಟ್ಯಾಂಕರ್ ಕುಡಿವ ನೀರಿನ ಬೆಲೆ ಒಂದು ಗ್ರಾಂ. ಚಿನ್ನದ ದರಕ್ಕಿಂತ ಅಧಿಕವಾಗಿದೆ. ಇದು ಸತ್ಯವಾದದ್ದು ಎಂದು ಹೇಳಿದರು.
ಐಟಿ ವಲಯದ ಕಂಪನಿಗಳು ತಮ್ಮ ಉದ್ಯೋಗಿಗಳಿಗೆ ಮನೆಯಿಂದಲೇ ಕೆಲಸ ಮಾಡುವಂತೆ ಆದೇಶಿಸಿವೆ. ನೀರಿನ ಅಭಾವದಿಂದ ಬಹುತೇಕ ರೆಸ್ಟೊರೆಂಟ್ಗಳು ತಾತ್ಕಾಲಿಕ ಸ್ಥಗಿತಗೊಂಡಿವೆ. ಚೈನ್ನ ನಗರವನ್ನು ಉಳಿಸುವುದು ನೆರೆಯ ರಾಜ್ಯಗಳ ಜವಾಬ್ದಾರಿ ಎಂದು ರಂಗರಾಜ್ನ ಅಭಿಪ್ರಾಯಪಟ್ಟಿದ್ದಾರೆ.
