ಡೆಹ್ರಾಡೂನ್: ಉತ್ತರಾಖಂಡದ ರೂಡಕಿಯಲ್ಲಿ ಪ್ರೀತಿಯ ಬಲೆಗೆ ಬಿದ್ದ 58 ವರ್ಷದ ವಿವಾಹಿತ ಮಹಿಳೆಯೋರ್ವಳು 16 ವರ್ಷದ ಪ್ರಿಯಕರನ ಜತೆ ಪರಾರಿಯಾಗಿರುವ ಘಟನೆ ನಡೆದಿದೆ. ಮಹಿಳೆಗೆ ಈಗಾಗಲೇ 8 ಜನ ಮಕ್ಕಳಿದ್ದು ಪ್ರಕರಣ ಕುತೂಹಲ ಕೆರಳಿಸಿದೆ.
16 ವರ್ಷದ ಬಾಲಕನೊಂದಿಗೆ ಪರಾರಿಯಾದ 58ರ ಮಹಿಳೆ!
ಲಭ್ಯವಾಗಿರುವ ಮಾಹಿತಿ ಪ್ರಕಾರ, ಸಹರಾನ್ಪುರದ 58 ವರ್ಷದ ಮಹಿಳೆ ಹಾಗೂ ಅದೇ ಗ್ರಾಮದ 16 ವರ್ಷದ ಬಾಲಕನ ನಡುವೆ ಪ್ರೇಮಾಂಕುರವಾಗಿದೆ. ಇಬ್ಬರೂ ಕೊನೆಯುಸಿರು ಇರುವವರೆಗೂ ಒಟ್ಟಿಗೆ ಜೀವನ ನಡೆಸೋಣ ಎಂದು ನಿರ್ಧಿಸಿದ್ದು ಮನೆ ಬಿಟ್ಟು ಪರಾರಿಯಾಗುತ್ತಿದ್ದರು. ಈ ವೇಳೆ ಗ್ರಾಮಸ್ಥರ ಕೈಗೆ ಸಿಕ್ಕಿಬಿದ್ದಿದ್ದಾರೆ. ಇಬ್ಬರನ್ನೂ ಹಿಡಿದ ಗ್ರಾಮಸ್ಥರು ಹಿಗ್ಗಾಮುಗ್ಗಾ ಥಳಿಸಿದ್ದಾರೆ.
ದೂರಿನ ಹಿನ್ನೆಲೆಯಲ್ಲಿ ಸ್ಥಳಕ್ಕಾಗಮಿಸಿದ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಇಷ್ಟೆಲ್ಲ ಘಟನೆ ನಡೆದರೂ ಮಹಿಳೆ ತಾನು ಮೆಚ್ಚಿದ 16 ರ ಹರೆಯದ ಪ್ರಿಯಕರನ ಮನೆಯಲ್ಲೇ ವಾಸವಾಗಿದ್ದಾಗಿ ತಿಳಿದು ಬಂದಿದೆ.
