ಲಕ್ನೋ(ಉತ್ತರ ಪ್ರದೇಶ): ಪಾರ್ಸೆಲ್ ಕೊಡುವ ನೆಪದಲ್ಲಿ ಅಪರಿಚಿತ ವ್ಯಕ್ತಿಯೊಬ್ಬ ಮಹಿಳೆಗೆ ಆನ್ಲೈನ್ ವಂಚನೆ ಮಾಡಿರುವ ಘಟನೆ ಲಕ್ನೋದ ನಾಕಾ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ. ಕೊರಿಯರ್ ಕಂಪೆನಿ ಉದ್ಯೋಗಿ ಎಂಬ ಹೆಸರಿನಲ್ಲಿ ವ್ಯಕ್ತಿಯೊಬ್ಬ ನಾಕಾದ ಗಣೇಜ್ಗಂಜ್ ನಿವಾಸಿ ಅದಿತಿ ಪಟೇಲ್ ಎಂಬವರಿಗೆ ಕರೆ ಮಾಡಿದ್ದಾನೆ. ಬಳಿಕ ಪಾರ್ಸೆಲ್ನಲ್ಲಿ ನಿಮ್ಮ ವಿಳಾಸ ತಪ್ಪಾಗಿದೆ. ನಾವು ಕಳುಹಿಸುವ ಲಿಂಕ್ಗೆ 6 ರೂಪಾಯಿ ಪಾವತಿ ಮಾಡುವಂತೆ ಸೂಚಿಸಿದ್ದಾನೆ. ಅದರಂತೆ ಮಹಿಳೆ ಲಿಂಕ್ ಓಪನ್ ಮಾಡಿದಾಗ ಆಕೆಯ ಖಾತೆಯಿಂದ ಮೊದಲಿಗೆ 18 ಸಾವಿರ ಬಳಿಕ 800 ರೂಪಾಯಿ ಕಡಿತವಾಗಿದೆ. ಮೋಸಹೋದ ಮಹಿಳೆ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದಾರೆ.
'ಅಪರಿಚಿತನ ವಿರುದ್ಧ ವಂಚನೆ ಮತ್ತು ಐಟಿ ಕಾಯ್ದೆಯಡಿ ಪ್ರಕರಣ ದಾಖಲಿಸಿದ್ದೇವೆ. ತನಿಖೆಯ ವೇಳೆ ಇದರಲ್ಲಿ ನೈಜೀರಿಯನ್ ಗ್ಯಾಂಗ್ ಕೈವಾಡದ ಶಂಕೆ ಮೂಡಿದೆ' ಎಂದು ನಾಕಾದ ಎಸ್‌ಎಚ್‌ಒ ಬ್ರಿಜೇಶ್ ದ್ವಿವೇದಿ ತಿಳಿಸಿದರು.
ಇದನ್ನೂ ಓದಿ: ಪೊಲೀಸ್ ಕ್ವಾರ್ಟರ್ಸ್ನಲ್ಲಿ 40 ತೊಲೆ ಚಿನ್ನಾಭರಣ, ಲಕ್ಷಾಂತರ ನಗದು ಕಳವು: ಪರಿಹಾರಕ್ಕಾಗಿ ಬಾಬಾನ ಮೊರೆ ಹೋದ ಎಎಸ್‌ಐ!
