अपणुं उत्तराखंडः दिनभरै खास खबर, एक नजर मा

अपणुं उत्तराखंड मा देखा, दिनभरै खास खबर, एक नजर मा

आज आम आदमी पार्टी का संयोजक और दिल्ली सीएम अरविंद केजरीवाल न घोषणा करी कि ऊंकी पार्टी देश का 6 राज्यों मा चुनाव लड़ली. केजरीवाल न बोली कि आगामी द्वी साल मा होंण वाल चुनाव का दौरान ऊंकी पार्टी उत्तराखंड, गोवा, यूपी, पंजाब, हिमाचल प्रदेश और गुजरात मा चुनाव लड़ली.

ईटीवी भारत दगड़ी खास बातचीत मा मुख्य सचिव ओम प्रकाश न बोली कि केंद्र सरकारे एसओपी मिल गी. अब राज्य सरकार जल्द ही महाकुंभ खुंण एसओपी जारी करली. ऊं बोली कि राज्य सरकारे कोशिश च कि ऊंकु ध्यान महाकुंभ का दिनों पर च. यन उम्मीद च कि सरकार कुंभ का दिनों ते कम कन्ने कोशिश मा च.

हरिद्वार महाकुंभ पर कांग्रेस उत्तराखंड सरकार पर लगातार हमलावर च. मामला मा हरीश रावत न राज्य सरकार पर तंज कसी. बोली कि कुंभ कार्यों ते देखीकी वू बिल्कुल खुश नि छिन. राज्य सरकार त केंद्रे एसओपी ते गॉड सेंड अपार्चुनिटी मंणदी च.

उत्तराखंड का सभी ब्लॉकों मा खोली जाला महाविद्यालयः सीएम

आज अल्मोड़ा पौंछिन सीएम त्रिवेंद्र सिंह रावत न सोबन सिंह जीना विवि मा आयोजित नागरिक अभिनंदन कार्यक्रम मा शिरकत करी. इं मौका पर लौखुं ते संबोधित करदी दां सीएम रावत न घोषणा करी कि प्रदेश का सभी ब्लॉक मा महा विद्यालय खोली जाला.

राज्य मा सहायक अध्यापक बेसिक का 2600 पदों पर नियुक्ति खुंण हाईकोर्ट न आज बड़ु फैसला ले. ऊं अग्रिम आदेश तक मामला मा रोक लगेली. हाई कोर्ट न मामला मा राज्य सरकार, नेशनल काउंसिल ऑफ टीचर्स एजुकेशन ते नोटिस जारी करी और तीन सप्ताह मा अपणुं जवाब पेश कन्नो आदेश दे.

देहरादून का नेहरु कॉलोनी मा अजबपुर इलाका मा ब्याली देर रात प्रॉपर्टी डीलर राजू बॉक्सर हत्याकांड कु पुलिस न खुलासा करेली. मामला पुलिस न द्वी आरोपियों अनिकेत और विनय ते गिरफ्तार करेली.

शहीदे की स्मृति मा स्कूल क प्रवेश द्वार कु लोकार्पण

भारत पाकिस्तान युद्ध मा 13 सितंबर 1965 का दिन शहीद ह्यां कालीमठ गौं का राम सिंह राणा की स्मृति मा राजकीय हाई स्कूल कालीमठ कु प्रवेश कु लोकार्पण ह्वे. यू लोकार्पण शहीदे ब्वारी अषाढ़ी देवी न करी. इं मौका पर कई लोग मौजूद छा.

जम्मू कश्मीर मा शहीद ह्वयां नायक दीपक नैनवाल की ब्वारी ज्योति नैनवाल भी अब सेना ज्वाइन करली. ज्योति न एसएससी परीक्षा पास करेली. अब वू चेन्नई की ऑफिसर्स ट्रेनिंग अकादमी मा प्रशिक्षण करली.