પંચાયત ચૂંટણી હારવા બદલ તાલિબાની સજા, 'તમે મને હરાવ્યો'...

મધ્યપ્રદેશ: તાજેતરમાં યોજાયેલી પંચાયતની ચૂંટણીમાં હારેલા ઉમેદવારો જીતેલા ઉમેદવાર પર હારનો બદલો લઈ રહ્યા છે. સિહોર જિલ્લામાં ચૂંટણીની (Sehore Panchayat Election) હરીફાઈનો બદલો તાલિબાની શૈલીમાં લેતો એક વીડિયો વાયરલ થયો છે. મામલો સિહોર જિલ્લાના ગામ બરખેડા હસન પંચાયતનો છે. જ્યાં પંચ રાકેશ રાજપૂતને લાકડીઓ વડે માર માર્યો હતો. જે લડાઈમાં ગંભીર રીતે ઈજાગ્રસ્ત થયો છે, જેને સારવાર માટે હોસ્પિટલમાં દાખલ કરવામાં આવ્યો છે. આરોપીઓએ અન્ય બે લોકોને પણ માર માર્યો હતો. પોલીસે કેસ નોંધીને તપાસ શરૂ કરી છે.