- એક જ દિવસમાં 4.45 લાખની વેરા વસૂલાત કરી
- નળ કનેક્શન કાપી નાંખતા વેરા ન ભરનારાઓમાં ફફડાટ
- વારંવાર નોટિસો આપ્યા છતા વેરો ન ભરનારા 3ને જપ્તીની નોટિસ
વલસાડ: નગરપાલિકાએ વેરો ન ભરનારાઓ સામે લાલ આંખ કરી છે. જે મિલકતદારોના વેરા બાકી હોય, તેમની પાસેથી વસૂલાત માટે પાલિકાએ અભિયાન હાથ ધર્યું હતુ. આ અભિયાન અંતર્ગત ગુરૂવારે વેરો નહીં ભરનારા 5 મિકલતદારોના નળ કનેક્શન કાપી નાંખ્યા હતા અને 3ને જપ્તીની નોટિલ પાઠવવામાં આવી હતી. જેના પગલે વેરો નહીં ભરનારાઓમાં ફફડાટ વ્યાપી ગયો છે.
વલસાડ નગરપાલિકાએ વેરો ન ભરનાર 5 મિલકતદારોના નળ કનેક્શન કાપ્યા
એક જ દિવસમાં 4.45.લાખ વેરો વસૂલાયો
ગુરુવારે હાથ ધરાયેલા અભિયાનમાં કુલ રૂપિયા 4.45 લાખના વેરાની વસૂલાત કરવામાં આવી હતી. આ સાથે વેરો નહીં ભરનારાઓના નળ કનેક્શન કાપવાની પણ શરૂઆત કરવામાં આવી હતી. આ વસૂલાત અભિયાનમાં તેમણે જેનો મોટી રકમનો વેરો બાકી હોય અને વખતો વખતની સૂચના બાદ પણ વેરો ન ભરતા હોય એવા 3 મિલકતદારોને જપ્તીની નોટિસ પણ આપી છે. જેને લઇને બાકીદારોમાં ફફડાટ વ્યાપી ગયો છે.
