વલસાડઃ જિલ્લામાં છેલ્લા બે માસ ઉપરાંતથી અનેક ખેડૂત મિત્રો વરસાદની કાગડોળે રાહ જોઈ રહ્યાં હતાં. જો કે, વરસાદના આવતા ડાંગરનો ઉભો પાક ખેતરમાં કરનાર અનેક ખેડૂતોની હાલત કપરી હતી, પરંતુ હવામાન વિભાગ દ્વારા આપવામાં આવેલી 16 તારીખ સુધીની આગાહીને પગલે વલસાડ જિલ્લામાં મંગળવાર રાત્રીથી વરસાદની હેલી જોવા મળી હતી.
બુધવારે વહેલી પરોઢિયેથી મેઘરાજા મહેર કરતા જિલ્લાની લોકમાતાઓ બંને કાંઠે વહતી જોવા મળી રહી છે. અનેક નીચાણવાળા વિસ્તારમાં પાણી ભરાઈ ગયા હતા. બુધવારે સાંજે 6થી ગુરુવારે સવારે 6 વાગ્યા સુધીમાં જિલ્લાના વિવિધ તાલુકામાં વ્યાપક પ્રમાણમાં વરસાદ નોધાયો છે. છેલ્લા 12 કલાકમાં 25 ઇંચ વરસાદ ખાબક્યો છે.
12 કલાક દરમિયાન નોંધાયેલા વરસાદના આંકડા
ઉમરગામ | 4 ઇંચ |
| કપરાડા | 4 ઇંચ |
| ધરમપુર | 4 ઇંચ |
| પારડી | 6.72 ઇંચ |
| વાપી | 4 ઇંચ |
| વલસાડ | 4 ઇંચ |
વલસાડ જિલ્લાની લોકમાતાઓ ઔરંગા, પાર, કોલક, દમણગંગા, તાન, માન, જેવી નદીઓ વરસાદ થતા બંને કાંઠે વહેતી થઇ છે. સાથે સાથે નેશનલ હાઈવે 48 ઉપર અનેક સ્થળે પાણી ભરાઈ જતા વાહન ચાલકોને આવન જાવન માટે મુશ્કેલી પડી હતી. મહત્વનું છે કે, કેટલાક નીચાણવાળા બ્રીજ પણ વરસાદના કારણે પાણીમાં ગરકાવ થયા હતા. કેટલાક નીચાણ વાળા વિસ્તારોમાં લોકોના ઘરોમાં પણી ફરી વળ્યતા ભારે હાલાકીનો સામનો કરવો પડ્યો હતો. ઉલ્લેખનીય છે કે, આગામી તારીખ 16 ઓગસ્ટ સુધી ભારે વરસાદ સમગ્ર ગુજરાતમાં વરસે એવી આગાહી હવામાન વિભાગ દ્વારા કરવામાં આવી છે. જેને લઇને વલસાડ જિલ્લા વહીવટી તંત્ર દ્વારા પણ તમામ આધિકારી ઓને એલર્ટ કરવામાં આવ્યાં છે.
