સુરત : ફરી એકવાર માતા પિતા માટે લાલબત્તી સમાન એક કિસ્સો સામે આવ્યો છે. શહેરમાં યોગી ચોક વિસ્તારમાં પાંચ વર્ષનો બાળક મકાનના ત્રીજા માળેથી નીચે પટકાતા તેનું મૃત્યુ નીપજ્યું છે. શહેરના યોગી ચોક વિસ્તારમાં આવેલા મહાલક્ષ્મી સોસાયટી પાસે બિલ્ડિંગમાં મજૂરીનું કામ કરતા બહાદુર ભામોર જેઓ પોતાના પરિવાર સાથે મજૂરી કામ કરીને પરિવારનું ગુજરાન ચલાવે છે. ત્યારે હાલ બાળક નીચે પટકાતા મૃત્યુ નીપજતા પરિવારમાં શોકનો માહોલ સર્જાયો છે.
કેવી રીતે નીચે પટકાયો બાળક : પિતા ગત 28 માર્ચના રોજ ભોજન લઈને આરામ કરતા હતા, ત્યારે તેમનો પાંચ વર્ષનો પુત્ર મહેશ ત્યાં રમી રહ્યો હતો. રમતા રમતા જ અચાનક તે જે બિલ્ડીંગમાં કામ ચાલતું હતું ત્યાના ત્રીજા માળેથી મહેશ નીચે પટકાયો હતો. બાળક નીચે પટકાતા માથા અને શરીરના અન્ય ભાગે ગંભીર ઈજાઓ પહોંચી હતી. મહેશને સારવાર અર્થે તાત્કાલિક 108 એમ્બ્યુલન્સમાં હોસ્પિટલ લઈ જવામાં આવ્યો હતો. જ્યાં મહેશની સારવાર દરમિયાન મૃત્યુ નીપજતા પરિવાર શોકમાં ગરકાવ થઇ ગયો હતો. તો બીજી બાજુ આ મામલે સરથાણા પોલીસે વધુ તપાસ હાથ ધરી છે.
ત્રીજા માળેથી નીચે પટકાયો હતો : આ મામલે મૃતકના સંબંધી રાજુભાઈએ જણાવ્યું કે, મહેશના પિતા બહાદુર ભામોર અમે એક જ ગામના વતની છીએ. તેમનો પુત્ર મહેશ જેઓ પાંચ વર્ષના હતો. જેઓ થોડા દિવસ પેહલા ત્રીજા માળેથી નીચે પટકાયો હતો. તેને સારવાર માટે સૌ પ્રથમ વખતે ખાનગી હોસ્પિટલ લઈને ગયા હતા અને ત્યાંથી વધુ સારવાર માટે સ્મીમેર હોસ્પિટલમાં દાખલ કરવામાં આવ્યો હતો. જ્યાં તેની સારવાર દરમિયાન મૃત્યુ નીપજ્યું હતું.
આ પણ વાંચો : Surat child laborer died : સુરતમાં ગ્રાઉન્ડફ્લોર ઉપરથી પટકાતા બાળ મજૂરનું મોત
બિલ્ડીંગના કોન્ટ્રાક્ટર પર પ્રહાર : મહેશનું જો ખાનગી હોસ્પિટલમાં સારવાર કરવામાં આવત તો તેનો જીવી જાતે નહીં. પરતું બિલ્ડીંગના કોન્ટ્રાક્ટરે પૈસા ન આપવા પડે તે માટે સરકારી સ્મીમેર હોસ્પિટલમાં લઈને આવ્યા હતા. ત્યાં જો બાળકને સમય પર જરૂરી સારવાર મળી જાતે તો આજે આ બાળક જીવંત હોત. અમે મૂળ રાજસ્થાનના બીજોરી ગામના વતની છીએ.
આ પણ વાંચો : Surat News : સુરતમાં 9 માળેથી શ્રમિક યુવકનું નીચે પટકાતા મોત, કયા વિસ્તારમાં કઇ રીતે બની ઘટના જૂઓ
પોલીસનું નિવેદન : આ બાબતે સરથાણા પોલીસે જણાવ્યું કે, ઘટના 28 માર્ચે બની હતી તેની માહિતી સ્મીમેર પોલીસ ચોકી દ્વારા સાંજે 5 વાગે લખવામાં આવી હતી. સમય દરમિયાન મૃતક બાળક મહેશની સારવાર ચાલી રહી હતી. તેમના પિતા બહાદુર ભામોર અને તેમની પત્ની દેવલી ભામોરનું નિવેદન લેવામાં આવ્યું હતું. ત્યારે હવે વહેલી સવારે બાળકનું સારવાર દરમિયાન મૃત્યુ નીપજ્યું છે. હાલ આ મામલે આગળની તપાસ હાથ ધરી છે.
