રાજકોટઃ ગોંડલ સિટી પોલીસે વોરા કોટડા રોડ પરથી ભારતીય બનાવટના ઈંગ્લીશ દારૂના મોટા પ્રમાણમાં જથ્થા સાથે એક કાર તેમજ એક શખ્સને ઝડપી પાડ્યો હતો.
પોલીસને ખાનગી બાતમી મળી હતી કે, ગોંડલ વોરા કોટડા રોડ પર આવેલા ચીસ્તીયા નગરમાં ઇરફાન કટારીયાએ પોતાના રહેણાક મકાનથી થોડે દુર આવેલી એક ઓરડીમા ભારતીય બનાવટનો પરપ્રાંતીય ઇગ્લીશ દારૂનો જથ્થો વેચાણ કરવાના ઇરાદે રાખેલો છે, જે બાતમીના આધારે પોલીસે અલગ-અલગ ટીમો બનાવી રેઇડ કરતા બાતમી વાળી જગ્યાએથી ભારતીય બનાવટનો પરપ્રાંતીય ઇગ્લીશ દારૂની જુદી જુદી બ્રાન્ડની કુલ બોટલ નંગ 792 જેની કુલ કિંમત રૂપિયા 3,42,240, એક કાર જેની કિંમત રૂપિયા 3,00,000 અને એક મોબાઈલ ફોન કિંમત રૂપિયા 1000નો મળી કુલ રૂપિયા 6,43,240ના મુદ્દામાલ સાથે હસન ઇસ્માઇલ કટારીયાને ઝડપી કાયદેસરની કાર્યવાહી હાથ ધરી છે.
પોલીસે હાલ ઇરફાન હસન કટારીયા અને હમીદાબેન હસન કટારીયાની શોધખોળ શરૂ કરી છે.
