- ગુમ થનાર સ્ત્રીને શોધી કાઢતી પોરબંદર પોલીસ
- ખારવાવાડમાં રહેતી 19 વર્ષની યુવતી ગુમ થઇ જતા માતા-પિતા થયા હતા પરેશાન
- માતા-પિતાએ કીર્તિમંદિર પોલીસ સ્ટેશનમાં જાણ કરી હતી
- પોરબંદર કોર્ટ ગેટ પાસેથી પોલીસે યુવતીને શોધી કાઢી
- યુવતીને ગમતા યુવક સાથે પ્રેમ લગ્ન કરી લીધા હોવાનું બહાર આવ્યું હતું
પોરબંદરઃ ખારવાવાડમાં રહેતી એક 19 વર્ષની દીકરી 29-03-2021ના રોજ કોઈને જાણ કર્યા સિવાય ઘરેથી નીકળી ગઈ હતી. તેના પિતાએ અનેક સ્થળ પર શોધખોળ કર્યા બાદ પણ દીકરી મળી ન હતી. ત્યારબાદ પિતાએ કીર્તિ મંદિર પોલીસ સ્ટેશનમાં જાણ કરી હતી. પોલીસને આ યુવતી પોરબંદરની જૂની કોર્ટના ગેટ પાસે મળી આવી હતી. પોલીસે તેના માતા-પિતાને આ અંગે જાણ કરી હતી અને પોતે તેના પ્રેમી સાથે લગ્ન કરી લીધા હોય અને તેની સાથે જ રહેવા માંગતી હોવાનું જણાવ્યું હતું.
આ પણ વાંચોઃ પોરબંદરમાં લોકડાઉનનો ભંગ કરનાર 77થી વધુ લોકો સામે ફરિયાદ નોંધાઇ
યુવતી એ મનગમતા યુવક સાથે લગ્ન કરી લીધા
પોરબંદરની આ યુવતી 29-03-2021ના રોજ સાંજે સાત કલાકે ઘરેથી કોઈને જાણ કર્યા વગર જતી રહી હતી. આ બાબતે અનેક સ્થળો પર તેના પિતાએ તપાસ કરી હતી, પરંતુ અંતે તેના પિતાએ પોરબંદરમાં કીર્તિ મંદિર પોલીસે સ્ટેશનમાં જાણ કરતા 4 એપ્રિલે પોલીસે આ યુવતીને જૂની કોર્ટ પાસેથી શોધી લીધી હતી. આ અંગે પૂછપરછ કરતા યુવતીએ પોરબંદરમાં રહેતા એક યુવક સાથે પ્રેમલગ્ન કરી લીધા હોવાનું જણાવ્યું હતું. યુવતીની શોધખોળની કામગીરીમાં કીર્તિમંદિર પોલીસ સ્ટેશનના પીએ એચ.એલ.આહીર અને પીએસઆઇ આર.એલ.મકવાણા સહીતનો સ્ટાફ રોકાયેલો હતો.
આ પણ વાંચોઃ કાસગંજમાં ગંગા સ્નાન વખતે 5 લોકો ડૂબ્યા, 3 મૃતદેહો મળ્યા, 2 હજી પણ ગુમ
