પોરબંદરમાં મહિલા સશક્તિકરણ પખવાડિયાની ઉજવણી સંદર્ભે સુદામા મંદિરથી જિલ્લાપંચાયત સુધી મહિલા સ્વચ્છતા જાગૃતિ રેલી યોજાઈ હતી. પોરબંદર નગરપાલિકા પ્રમુખ અશોકભાઈ ભદ્રેચા તથા છાયા નગરપાલિકા પ્રમુખ ગીતાબેન રામદતી, છાયા નગરપાલિકા ચીફ ઓફિસર રાજુભાઈ શેખ અને પોરબંદર નગરપાલિકા ચીફ ઓફિસર આર જે હુદડે લીલી ઝંડી આપી રેલીનું પ્રસ્થાન કરાવ્યું હતું.
પોરબંદરમાં મહિલા સ્વચ્છતા જાગૃતિ દિવસની ઉજવણી કરાઈ આ ઉપરાંત જિલ્લા પંચાયતના સભાખંડમાં રેલી બાદ સ્વચ્છતા અંગે માર્ગદર્શન શિબિર યોજાઇ હતી. જેમાં પોરબંદર નગરપાલિકા ડોર ટુ ડોર કચરો એકઠો કરવા માટે દર વર્ષે 5 કરોડથી વધુનો ખર્ચ અંગેની માહિતી અપાઇ હતી. આ કાર્યક્રમમાં સ્વચ્છ ભારત મિશન શહેરી યોજના અંતર્ગત 5 મહિલા સફાઈ કામદારોને ઉપસ્થિત મહેમાનોએ સફાઈ કીટનું વિતરણ કર્યું હતું. ત્યારબાદ નવ જેટલા સ્વસહાય જૂથોને રૂપિયા 10000 લેખે રૂપિયા 90000 રીવોલ્વીંગ ફંડ આપવામાં આવ્યું હતું. કાર્યક્રમના અંતમાં તમામ લોકોએ સ્વચ્છતા જાળવવા માટે ઘર, શેરી,ગામ અને શહેરને સ્વચ્છ રાખવા શપથ લીધા હતા
