પાટણ શહેરમાં 15 દિવસના વિરામ બાદ આજે બપોર બાદ એકાએક વાતાવરણમાં પલટો આવ્યો હતો અને ગાજવીજ સાથે ધોધમાર વરસાદની (Rain in Patan ) પુનઃ એન્ટ્રી થઈ હતી. પાટણ શહેરના માર્ગો ઉપર વરસાદી પાણી ફરી વળતા જોતજોતામાં જળબમ્બાકારની પરિસ્થિતિ સર્જાઈ હતી તો વરસાદને પગલે વાતાવરણમાં ઠંડક પ્રસરી હતી.
લાંબા વિરામ બાદ આવ્યો વરસાદ પાટણ શહેર શહિત સમગ્ર જિલ્લામાં છેલ્લા 15 દિવસથી વરસાદે વિરામ ( Monsoon Gujarat 2022 ) લેતા વાતાવરણમાં ઉઘાડ નીકળ્યો હતો. બીજીતરફ નીચાણવાળા વિસ્તારો તેમજ ખેતરોમાં ભરાયેલા પાણી ધીમે ધીમે ઓસરવા લાગ્યા હતા. તો અસહ્ય ગરમી અને બફારાથી લોકો ત્રાહિમામ પોકારી ઊઠ્યા હતાં.
નીચાણવાળા વિસ્તારોમાં ભરાયાં પાણી હવામાન વિભાગની આગાહીને પગલે ( Weather Department Forecast ) આજે પાટણ શહેરમાં બપોર બાદ વાતાવરણમાં એકાએક પલટો આવ્યો હતો અને આકાશમાં કાળા ડિબાંગ વાદળો ધસી આવ્યા હતાં. સાથે ભારે પવન સાથે અને ગાજવીજ સાથે મેઘરાજાએ ધમાકેદાર એન્ટ્રી કરતા ધોધમાર વરસાદ (Rain in Patan ) વરસવા લાગ્યો હતો. વરસાદને પગલે નીચાણવાળા વિસ્તારોમાં ઠેર ઠેર પાણી ભરાયા હતાં.
લોકોને રાહત મળી બીજી તરફ છેલ્લા 15 દિવસથી અસહ્ય ઉકળાટ અને બફારાથી ત્રાહિમામ પોકારી ઊઠેલા લોકોએ મહદ અંશે રાહત મેળવી હતી. વરસાદને પગલે વાતાવરણમાં ભેજનું પ્રમાણ ઘટતાં ઠંડક પ્રસરી હતી. જોકે શહેરમાં ગાજવીજ સાથે પડેલા ધોધમાર વરસાદને (Rain in Patan ) પગલે કેટલાક વિસ્તારોમાં વીજળી પણ ડૂલ થઈ હતી.
