પંચમહાલ: જિલ્લામાં છેલ્લા 24 કલાકમાં કોરોના સંક્રમણના નવા 44 કેસ નોંધાયા છે. જ્યારે 9 દર્દીઓને હોસ્પિટલમાંથી રજા આપવામાં આવી છે. હાલ જિલ્લામાં સક્રિય કુલ 390 કેસ છે.
પંચમહાલ કોરોના અપડેટ
કુલ પોઝિટિવ કેસ - 1032
કુલ સક્રિય કેસ - 390
કુલ ડિસ્ચાર્જ - 582
પંચમહાલ જિલ્લામાં કોરોનના કુલ 1032 પોઝિટિવ કેસ નોંધાયા છે. આ સાથે કુલ 582 લોકોને ડિસ્ચાર્જ કરવામાં આવ્યા છે.
નવા નોંધાયેલા કેસ પૈકી જિલ્લાના શહેરી વિસ્તારોમાંથી 32 કેસ અને ગ્રામ્ય વિસ્તારોમાંથી 12 કેસ નોંધાયા છે. ગોધરા શહેરમાંથી 23, હાલોલમાંથી 08 અને શહેરામાંથી 1 કેસ નોંધાયા છે.
શહેરી વિસ્તારોમાં સંક્રમણના કુલ 810 કેસ નોંધાયા છે. ગ્રામ્ય વિસ્તારોમાં હાલોલ ગ્રામ્યમાંથી 6 કેસ, ગોધરા ગ્રામ્યમાંથી 1, કાલોલ ગ્રામ્યમાંથી 3 અને મોરવા હડફમાંથી 2 કેસ મળી આવ્યા છે. પંચમહાલ જિલ્લાના ગ્રામ્ય વિસ્તારોમાં સંક્રમણના કુલ 222 કેસ છે.
