નર્મદાઃ જિલ્લાના એક માત્ર રાજપીપળા શહેરને સૌપ્રથમવાર ભૂગર્ભ ગટર લાઈન (Underground sewer line in Narmada) મળશે. જોકે, અત્યારે તેનું 75 ટકા કામ પૂર્ણ થઈ ગયું છે. જે મુખ્ય લાઈનો તૈયાર થઇ ગઈ છે. તે વહેલી તકે કાર્યાન્વિત થાય એ માટે રાજપીપળા પાલિકાએ ટેસ્ટિંગ (Testing of underground sewer line in Rajpipla Municipality) કર્યું હતું. સાથે જ પાલિકા કેવું કામ થયું અને કોઈ ક્ષતિ નથી રહી ગઈ ને તેમ જ કેવી રીતે કનેક્શન આપવામાં આવશે. કેટલા ફોર્સથી પાણી જશે. તેની તપાસ કરી રહી છે.
આ પણ વાંચો- રાજ્યના પાણી પુરવઠા પ્રધાન કુંવરજીભાઇ બાવળીયા ગીર-સોમનાથ જિલ્લાની મુલાકાતે...
ભરૂચના સાંસદ મનસુખ વસાવાએ કર્યું નિરિક્ષણ
આ કામની ચકાસણી કરવા માટે પાલિકા પ્રમુખ, ભરૂચના સાંસદ મનસુખ વસાવા સહિતના હાજર (MP Mansukh Vasava inspects underground sewer line) રહ્યા હતા. પાલિકાના વોટર ટેન્કર દ્વારા પાણી ભૂગર્ભ ગટર લાઈનમાં (Underground sewer line in Narmada) છોડવામાં આવ્યું અને પાણી એક કુંડીમાંથી બીજી કુંડીમાં આ પાણી વહેતું થયું હોય કામગીરીનું પરિક્ષણ કરાયું હતું. સાંસદે કુંડીમાં પ્લાસ્ટર કર્યું છે કે નહીં તે તમામ બાબતની ચકાસણી કરી હતી.
નગરજનોએ ખર્ચ ઉઠાવવો નહીં પડે
સાંસદ મનસુખ વસાવાએ જણાવ્યું હતું કે, રાજપીપળાની આ પ્રથમ ભૂગર્ભ ગટર લાઈન (Underground sewer line in Narmada) છે. અગાઉના બનાવોને લઈને ડરે છે, પરંતુ મેં નિરિક્ષણ કરતા કામગીરી બરાબર લાગી રહી છે. રાજપીપળામાં ફેઝ 1 અને ફેઝ 2માં ભૂગર્ભ ગટર લાઈનનું (Underground sewer line in Narmada) 75 ટકા કામ પૂર્ણ થઈ ગયું છે. એટલે ઘર સાથે મુખ્ય લાઈનનું કનેક્શન ચાલશે. આનો એક ઘરનો કનેક્શનનો ખર્ચ 7,000 રૂપિયા જેટલો થાય છે, પરંતુ પાલિકાએ સરકારમાં દરખાસ્ત મૂકી છે. એટલે તમામ નગરજનોએ આ ખર્ચ ઉઠાવવાનો વારો નહીં આવે જે સરકાર ઉઠાવશે. હવે આ ભૂગર્ભ લાઈન (Underground sewer line in Narmada) કેટલી સફળ થાય છે એતો આગામી સમય જ બતાવશે.
