નર્મદાઃ જિલ્લાના ડેડીયાપાડા રેન્જ ફોરેસ્ટ અને એનિમલ વેલફેર બોર્ડ ઓફ ઇન્ડિયા, વડોદરા S.P.C.A. તથા વિશ્વ હિન્દુ પરિષદ, ગૌરક્ષા વિભાગ અને ડેડિયાપાડા રેન્જ ફોરેસ્ટના સંયુક્ત પ્રયત્નોથી શુક્રવારના રોજ ગુજરાત રાજ્યમાં સૌથી મોટી સંખ્યામાં વન્ય સરીસૃપ જીવ આંધળી ચાકણને બચાવે છે. જેમાં જતીનભાઈ વ્યાસ, દિપેનસિંહ પરમાર, અંકુરભાઇ પટેલ, વિશાલભાઈ મરાઠી, જૈમિન ભાઈ રાવલ અને ગુજરાત રાજ્ય વન વિભાગના ડેડીયાપાડા રેન્જ ફોરેસ્ટના ડી.સી.એફ. નીરજ કુમાર, ડેડીયાપાડા રેન્જ ફોરેસ્ટ અને A.W.B.I. & S.P.C.A. અને વિશ્વ હિન્દુ પરિષદના સંયુક્ત ઉપક્રમે વન્યજીવ આંધળી ચાકણનો 15 નંગ ગેરકાયદેસર વેપાર કરતા ઇસમોને પકડી પાડવામાં આવ્યા છે.
ડેડીયાપાડા રેન્જ ફોરેસ્ટ અને વડોદરા S.P.C.A., વિશ્વ હિન્દુ પરિષદ વડોદરાની ટીમે સંયુક્ત રીતે છેલ્લા ત્રણ-ચાર દિવસથી ગેરકાયદેસર વન્યજીવનું ગેરકાયદેસર વેચાણ કરનાર આરોપીઓની વોચમાં હતા. જેને શુક્રવારના રોજ આરોપીઓને 15 નંગ આંધળી ચાકણ સાથે ગેરકાયદેસર વેપાર કરતાં ત્રણ આરોપીઓને રંગેહાથ પકડી પાડવામાં આવેલ છે. સદર વન્યજીવોનું ગેરકાયદેસર વેચાણ રાજ્યવ્યાપી અને આંતરરાજ્ય ગેરકાયદેસર લે વેચનો પર્દાફાશ થયો છે.
આગામી દિવસોમાં વન વિભાગ તરફ આ મુદ્દે ઉંડાણપૂર્વક તપાસ કરવામાં આવે તો આંતર રાજ્ય લેવલે ખૂબ જ મોટું કૌભાંડનો પર્દાફાશ થઇ શકે છે. જોકે હાલ વનવિભાગ દ્વારા આ ત્રણેય ઈસમોની પૂછપરછ હાથ ધરવામાં આવી છે અને જાણવામાં આવશે કે અન્ય આવા કેટલા વન્ય પ્રાણીઓને જંગલોમાંથી પકડી ક્યાં-ક્યાં વેચવામાં આવ્યા છે.
