અંજાર: સામાજિક શૈક્ષણિક રીતે પછાત વર્ગોના કલ્યાણ અને પ્રવાસન રાજયપ્રધાન વાસણભાઈએ સબ ડિસ્ટ્રીકટ હોસ્પિટલ-અંજાર અને ગાંધીધામ ખાતેની પાંચ પૈકી હરી ઓમ ઓલ્ડ અને હરી ઓમ ન્યુ તેમજ સ્ટર્લિગ, રામબાગ હોસ્પિટલ અને સેન્ટ જોસેફ હોસ્પિટલની સમીક્ષા કરી હતી. આ હોસ્પિટલોમાં દાખલ દર્દીઓની તમામ વિગતો અને હોસ્પિટલની વિગતો જરૂરતમંદો મેળવી શકે છે.
દર્દીને અપાતી સારવાર, ઈન્વેસ્ટીગેશન, સિટીસ્કેન, દર્દીની કન્ડીશન, પ્રાથમિક સુવિધાઓ તેમજ દર્દીની દૈનિક ક્રિયાઓની માહિતી મેળવી હતી. કોવીડ-૧૯ હોસ્પિટલો અને કોવીડ કેર સેન્ટરની ડિઝીટલ પ્લેટફોર્મ પરથી જ સમગ્ર માહિતી મેળવી તેમણે આરોગ્ય કર્મીઓ અને અંજાર પ્રાંત અધિકારી ડો.વી.કે.જોશીને કામગીરી બાબતે વિવિધ સુચનો કર્યા હતા. પૂર્વ કચ્છની કોરોના હોસ્પિટલોમાં દર્દીઓની સારવાર માટે સંકળાયેલા આરોગ્ય કર્મચારીઓ તેમજ ડોકટરો સાથે વીડિયો કોલના માધ્યમથી દર્દીને અપાતી સારવાર બાબતે વાતચીત કરી હતી.
