આ સેમિનારમાં કુલ રૂપિયા 140.56 કરોડના ખર્ચે 14.5 મેગાવોટ ક્ષમતાનો પવન ઊર્જા અને પરિયોજના ખુલ્લી મુકાઇ હતી. તેમજ રૂપિયા 45. 51 કરોડના ખર્ચે કાર્ગો ડિજિટલની 13.10 કિ.મી.ની આંતરિક રેલ યોજનાનો ડિજિટલ પ્રારંભ કરાયો હતો. તે દરમિયાન પ્રધાને બીન પોસ્ટલ હબ અને ફર્નિચર પાર્કનું ચિત્ર બનાવ્યું હતું. તેમજ ચેરમેન એસ.કે મહેતાએ ફર્નિચર પાર્કમાં વર્લ્ડ ક્લાસ ફેસિલિટીના થનારા નિર્માણની વિગતો પ્રોજેક્ટર દ્વારા જણાવી ઉદ્યોગ સાહસિકોને રોકાણ કરી તક ઝડપી લેવા અનુરોધ કર્યો હતો.
કચ્છીઓ સમગ્ર દુનિયાભરમાં ટિમ્બર બિઝનેસમાં વધુ સંકળાયેલાં હોય છે. કંડલામાંથી DTP મારફતે જ્યારે 70% ટિમ્બર દેશ-દુનિયામાં નિકાસ થાય છે. આ ફર્નિચર પાર્ક પ્રોજેક્ટ કોસ્ટ 676.17 કરોડ રૂપિયા નિર્ધારીત કરાઈ છે. જેમાં 180 કરોડ રૂપિયા DTPના રોકાણનો સમાવેશ થાય છે. આ સમગ્ર ફર્નિચર પાર્ક 850 એકરમાં આકાર લેશે. જેમાં 10 ટકા ગ્રીન બેલ્ટ તેમજ 69% વેચાણ યોગ્ય એરિયાનો સમાવેશ કરાયો છે. આ સાથે દીનદયાળ પોર્ટ દ્વારા કુલ રૂપિયા 1500 કરોડ માળખાકીય સુવિધા માટે ફાળવાયા છે.
ગાંધીધામથી દિલ્હીની ટ્રેન અને ફર્નિચર પાર્ક માટે પ્રશિક્ષણ કેન્દ્ર તેમજ ટેક્સ હોલીડે મળવા સહિતના સૂચનો કર્યા હતા. ત્યારબાદ કેબિનેટ પ્રધાન માંડવિયાના હસ્તે જિંદા એરપોર્ટની આર્થિક સામાજિક અને શૈક્ષણિક પ્રતિનિધિઓની અભિવ્યક્ત કરતી ઈ-પત્રિકા તરંગનું ડિજિટલ લોન્ચિંગ કર્યુ. સાથે જ DTPના સામાજિક ઉત્તરદાયિત્વના ભાગરૂપે દીકરીઓને લેપટોપ આપવાના હેતુથી પાંચ દીકરીઓને પ્રતીકાત્મક રૂપે લેપટોપ અર્પણ કરાયા હતા.
આ સેમિનાર અંગે વાત કરતાં શૈક્ષણિક સામાજિક પછાત વર્ગના કલ્યાણ તથા પ્રવાસન રાજ્ય પ્રધાન વાસણભાઇ આહિરે જણાવ્યું હતું કે, "કચ્છમાં જમીનોની ફીના મુદ્દે મોટાભાગની માંગ સંતોષાય છે, ત્યારે ટૂંક સમયમાં જ ગાંધીધામમાં સર્વે કચેરી ખોલાશે એવો સંકેત આપ્યો હતો."
આ કાર્યક્રમ નિમિત્તે ટિમ્બર એસોસિએશન પ્રમુખ નવનીત ગજરે જણાવ્યું હતું કે, "અત્યારે જે ભાવે જમીન મળે છે તે ભાવે ખાનગી જમીન ખરીદી શકાય છે. તેની સામે આ જમીન 60 વર્ષની લીઝ પર મળશે. પણ જે પાર્ક આ બનવાનું નક્કી થયું છે, તે જગ્યા પણ અનુકૂળ નથી. કંડલા મહાબંદર પર ચાલતાં અનેક પ્રકલ્પો અટવાયેલાં છે, ટેન્ક ફામૅ ખાલી છે. ઓઇલ જેટીના વિસ્તારની દાયકા જૂના પ્રોજેક્ટ અટકેલા છે. વળી, નવી જીઓના તમામ પ્રયાસો નિષ્ફળ નિવડ્યા છે ,ત્યારે ફર્નિચર પાર્ક નો નવો પ્રોજેક્ટ પણ કેટલો સફળ થશે તે આગામી સમયમાં સ્પષ્ટ થશે."