- ડાંગ જિલ્લામાં કોરોનાને લઈને સારા સમાચાર આવ્યા
- ડાંગમાં હવે માત્ર કોરોનાના 31 જ એક્ટિવ કેસ
- જિલ્લામાં 28 દર્દીઓને હોમ આઈસોલેશનમાં રખાયા
ડાંગઃ જિલ્લા રોગચાળા નિયંત્રણ અધિકારી ડો. ડી. સી.ગામીત તરફથી મળેલી વિગતો અનુસાર, અગાઉ જિલ્લામાં કુલ 683 કેસ નોંધાઇ ચૂક્યા છે. આ પૈકી 652 દર્દીઓને રજા આપવામાં આવી છે. જ્યારે આજની તારીખે 31 કેસ એક્ટિવ છે. એક્ટિવ કેસ પૈકી 2 દર્દીઓ આહવાની સિવિલ હોસ્પિટલમા, 1 દર્દી કમ્યુનિટી કોવિડ કેર સેન્ટર (સેવાધામ) ખાતે અને 28 દર્દીઓને હોમ આઈસોલેશનમાં રાખવામાં આવ્યા છે.
આ પણ વાંચો- સુરત ગ્રામ્યમાં આજે શુક્રવારે કોરાનાના 84 પોઝિટિવ કેસ નોંધાયા
જિલ્લામાં 35 કન્ટેનમેન્ટ ઝોન, 34 બફર ઝોન
કોરોના સંક્રમણને અટકાવવા માટે જિલ્લા વહિવટી તંત્ર દ્વારા આજની તારીખે 497 વ્યક્તિઓને હોમ કવોરન્ટાઈન કરાયા છે. જ્યારે 10887 વ્યક્તિઓ હોમ ક્વોરન્ટાઈનમાંથી બહાર આવ્યા છે. જિલ્લામાં આજની તારીખે કુલ 35 કન્ટેઈન્મેન્ટ ઝોન (એક્ટિવ) નિયત કરાયા છે, જેમા 109 ઘરોને આવરી લઈ 446 વ્યક્તિઓને ક્વોરન્ટાઈન કરાયા છે. જ્યારે 34 બફર ઝોન (એક્ટિવ)માં 213 ઘરોને સાંકળી લઈ 893 લોકોને ક્વોરન્ટાઈન કરવામાં આવ્યા છે.
આ પણ વાંચો- Gujarat Corona Update: છેલ્લા 24 કલાકમાં 2521 નવા કેસ, ત્રણ ગણા દર્દીઓએ કોરોનાને માત આપી
જિલ્લામાં આજે 161 સેમ્પલ એકત્રિત કરાયા
ટેસ્ટિંગની વિગતો જોઈએ તો, છેલ્લા 24 કલાકમાં જિલ્લાભરમાંથી 43 RT-PCR અને 118 એન્ટિજન ટેસ્ટ મળી કુલ 161 સેમ્પલો એકત્રિત કરાયા છે. આ પૈકી 43 RT-PCRના રિપોર્ટ પેન્ડિંગ છે. જિલ્લામાં આજ દિન સુધી કુલ 50,355 સેમ્પલ એકત્રિત કરવામા આવ્યા છે. આ પૈકી 49,629 નેગેટિવ રહ્યા છે.
ડાંગ જિલ્લામાં 35476 લોકોને વેકશીન આપવામાં આવી
જિલ્લામાં કોરોના રસીકરણની પણ કામગીરી પૂરજોશમાં ચાલી રહી છે. ત્યારે જિલ્લામાં આજ દિન સુધી 2,110 (85 ટકા) હેલ્થકેર વર્કર્સ, 4929 (98 ટકા) ફ્રન્ટલાઈન વર્કર્સ અને 28,437 (45+) 49 ટકા નાગરિકો મળી કુલ 35,476 લોકોને રસી આપવામાં આવી છે. કોરોનાને કારણે આ અગાઉ ડાંગ જિલ્લામા અત્યાર સુધી કુલ 28 મૃત્યુ નોંધાઈ ચૂક્યા છે.
