દીવ અને દમણ લોકસભા બેઠક પર કોંગ્રેસના ઉમેદવાર કેતન પટેલ દ્વારા પ્રચંડ પ્રચાર શરુ કર્યો હતો. સંઘ પ્રદેશ દીવમાં કોંગી કાર્યકરોની સાથે એક જંગી રેલી કાઢવામાં આવી હતી. આ રેલી સમગ્ર દીવમાં ફરીને કોંગ્રેસ અને કેતન પટેલને મત આપીને વિજયી બનાવવા માટે મતદારોને અપીલ કરી હતી.
દીવ-દમણમાં કોંગ્રેસ દ્વારા કેતન પટેલને વિજયી બનાવવા યોજાઈ રેલી
પ્રચાર અભિયાનમાં કેતન પટેલના પત્ની પણ તેમની મહિલા કાર્યકરો સાથે પ્રચારમાં જોડાયા હતા. રેલીમાં દીવ પાલિકાના પ્રમુખ અને આ બેઠકના દાવેદાર હિતેશ સોલંકીએ પણ હાજરી આપીને કેતન પટેલને જંગી બહુમતીથી ચૂંટી કાઢવા મતદારોને અપીલ કરી હતી.
