દાહોદઃ જિલ્લાના ફતેપુરામાં આવેલા ભૂરી પાર્ટી પ્લોટમાં જિલ્લા કક્ષાના પ્રજાસત્તાક દિવસની રાજ્યપ્રધાન ઇશ્વરભાઇ પટેલની અધ્યક્ષતામાં ધામધૂમપૂર્વક ઉજવણી કરવામાં આવી હતી. ધ્વજવંદન સાથે પરેડ સલામી અને સાંસ્કૃતિક કાર્યક્રમો કરવામાં આવ્યા હતા. તે જોવા માટે મોટી સંખ્યામાં લોકો ઉપસ્થિત રહીને ઉત્સાહભેર ભાગ લીધો હતો.
દાહોદમાં પ્રજાસત્તાક દિવસની ઉજવણી કરાઇ
રાજ્યપ્રધાન ઇશ્વરભાઇ પટેલે ધ્વજવંદન કરી સલામી આપી હતી. જિલ્લા પોલીસ તંત્ર દ્વારા આયોજીત પરેડ અને શૈક્ષણિક સંસ્થાઓ દ્વારા રજૂ કરાયેલા સાંસ્કૃતિક કાર્યક્રમો, હોર્સ, ડોગ શોનું નિરીક્ષણ કર્યું હતું. શાળાઓએ પરેડના સાંસ્કૃતિક કાર્યક્રમમાં ભાગ લીધો હતો. માધ્યમિક, ઉચ્ચત્તર માધ્યમિક શાળાના વિદ્યાર્થીઓ અને વિદ્યાર્થીઓની પ્રતિભાને સારી રીતે પ્રસ્તુત કરી હતી. રાજ્ય સરકારની વિવિધ યોજનાકીય ઝાંખી દર્શાવવામાં આવી હતી.
