અમદાવાદના ખોખરામાં યુવક પર તીક્ષ્ણ હથિયાર વડે હુમલો, CCTV ફૂટેજ આવ્યા સામે

અમદાવાદ : શહેરના ખોખરા વિસ્તારમાં અસામાજિક તત્વોનો આતંક CCTV કેમેરામાં કેદ થયો છે. ખોખરા સર્કલ પાસે આવેલા રાધે મોલના પાર્કિંગમાં 24 વર્ષીય ઘનશ્યામ મોર્ય પોતાના મોબાઈલમાં ગેમ રમી રહ્યો હતો, તે દરમિયાન અચાનક બે અજાણ્યા યુવકો બાઇક પર આવી તીક્ષ્ણ હથિયાર વડે ગંભીર ઇજાઓ પહોંચાડી ફરાર થઈ ગયા હતા.

ખોખરામાં યુવક પર તીક્ષ્ણ હથિયાર વડે હુમલો, CCTV ફુટેજ આવ્યા સામે

આ તકે ઇજાગ્રસ્ત યુવકને મણિનગર એલ.જી.હોસ્પિટલમાં સારવાર અર્થે ખસેડવવામાં આવ્યો છે. આ સમગ્ર ઘટનાની જાણ પોલીસને થતા પોલીસ કાફલો એલ.જી.હોસ્પિટલ ખાતે પહોંચ્યો હતો.

જો કે, 24 કલાકમાં શહેરના પૂર્વ વિસ્તારમાં કાયદાનો ડર રાખ્યા વગર આરોપીઓએ ખૂની ખેલને અંજામ આપ્યા હતો. જેમાં જીવલેણ હુમલાથી પોલીસની ભૂમિકા પર પણ અનેક સવાલો ઉપસ્થિત થઈ રહ્યા છે. હાલ પોલીસે ઘટનાની ગંભીરતા નોંધી લઇ અને CCTVના આધારે આગળની તપાસ હાશ ધરી છે.