અમદાવાદ : ગુજરાતમાં વિધાનસભાની ચૂંટણી( Gujarat Assembly Election 2022)યોજનાર છે. ત્યારે આમ આદમી પાર્ટી(Aam Aadmi Party)દ્વારા સૌથી પહેલા અને ગુજરાતમાં રાજકીય ઇતિહાસમાં પ્રથમવાર ચૂંટણી પંચ તારીખ જાહેર કરે તે પહેલાં પોતાના ઉમેદવારનું પ્રથમ લિસ્ટ જાહેર કર્યું છે. આમ આદમી પાર્ટી ગુજરાતમાં પ્રથમ વખત વિધાનસભાની ચૂંટણી લડી રહ્યું છે. 2012માં સક્રિય થયેલી આમ આદમી પાર્ટી(AAP Gujarat 2022)દિલ્હી બાદ પંજાબમાં સરકાર બનાવ્યા બાદ હવે ગુજરાત વિધાનસભાની ચૂંટણી લડી પુરા આત્મ વિશ્વાસ સાથે લડી રહી છે. આજે 10 વિધાનસભાન ઉમેદવારનું લિસ્ટ જાહેર કરવામાં આવ્યું છે. તો આવો જાણીએ 10 ઉમેદવાર કેવા પ્રકારનું સામાજિક કામ કરી ચુક્યા છે.
આ પણ વાંચોઃ અરવિંદ કેજરીવાલ સોમનાથમાં મહાદેવની પૂજા અને ધ્વજા ચઢાવશે
1.ભીમા ચૌધરી - ભીમભાઈ ચૌધરી આમ આદમી પાર્ટીના દિયોદર બેઠક પર ઉમેદવાર નક્કી કરવામાં આવ્યા છે. ભીમભાઈ ગુજરાત પ્રદેશ ઉપાધ્યક્ષ અને ખૂબ લાંબા સમયથી પાર્ટી સાથે સંકળાયેલા નેતા છે.
2. જગમાલ વાળા - જગમાલ વાળા ગીર સોમનાથ બેઠક પરથી ઉમેદવાર તરીકે ઘોષિત કરવામાં આવ્યા છે. આમ આદમી પાર્ટીના ગુજરાત પ્રદેશ અધ્યક્ષ તરીકે નિમણુંક કરવામાં આવી હતી. 2012માં વિધાનસભની ચૂંટણીમાં તે અપક્ષ તરીકે લડ્યા હતા.અને તેમને અંદાજિત 23,000 હજાર જેટલા મત પણ મેળવ્યા હતા.
3.અર્જુન રાઠવા - અર્જુન રાઠવાનું નામ છોટા ઉદેપુર વિધાનસભાના ઉમેદવાર તરીકે નક્કી કરવામાં આવ્યું છે. તો હાલમાં આમ આદમી પાર્ટીના ગુજરાત પ્રદેશ ઉપાધ્યક્ષ નિમણુંક કરવામાં આવી છે. અર્જુન રાઠવા પણ 2017માં આમ આદમી પાર્ટીના ઉમેદવાર હતા.તે ઉચ્ચ શિક્ષિત અને આદિવાસી વિકાસના મુદ્દા પર કામ કરે છે.
4.સાગર રબારી - સાગર દેસાઈ બેચરાજી વિધાનસભાના ઉમેદવાર તરીકે જાહેર કરવામાં આવ્યા છે. તેઓ આમ આદમી પાર્ટીના પ્રદેશ ઉપાધ્યક્ષ તેઓ આમ આદમી પાર્ટીમાં જોડાયા પહેલા ખેડૂતોના મુદ્દા પર અને સામાજિક કાર્યકર્તા તરીકે પ્રસિદ્ધ હતા.
5.વશરામ સાગઠિયા - વશરામ સાગઠિયા કૉંગ્રેસના નેતા હતા તેમને આ વખતે ઇન્દ્રનીલ રાજ્યગુરુ આગેવાનીમાં આમ આદમી પાર્ટીમાં જોડાયા છે.2017 રાજકોટ ગ્રામ્ય માંથી કૉંગ્રેસના તરફથી લડ્યા હતા.અને 2179 મત તેમની હાર થઈ હતી.આ વકહતે પણ રાજકોટ ગ્રામ્ય માં આમ આદમી પાર્ટીના ઉમેદવાર તરીકે ચૂંટણી લડશે.
6.રામ ધડુક - રામ ધડુક કામરેજ વિધાનસભાના ઉમેદવાર તરીકે ઘોષિત કરવામાં આવ્યા છે.તો AAP રાજ્ય સચિવ તરીકે કામ કરે છે.
7. શિવલાલ બારસિયા - આમ આદમી પાર્ટીના રાજકોટ દક્ષિણના ઉમેદવાર તરીકે જાહેર કરવામાં આવ્યા છે.તેઓ આમ આદમી પાર્ટીના રાજ્ય વેપારી પાંખના પ્રમુખ તરીકે જવાબદારી સંભાળી રહ્યા છે.આ પહેલા તે આમ આદમી પાર્ટીના રાજકોટ શહેર પ્રમુખ હતા.
8. સુધીર વાઘાણી - સુધીર વાઘાણી ગારીયાધાર બેઠક પરથી વિધાનસભાની ચૂંટણી લડશે. તે સંયુક્ત સચિવ તરીકે જવાબદારી નિભાવી રાજ્ય છે. પોતાની ગારીયાધારમાં હોસ્પિટલ છે. તે ગરીબ લોકોને મફતમાં સારવાર કરે છે.
9. રાજેન્દ્ર સોલંકી - રાજેન્દ્ર સોલંકી બારડોલીની વિધાનસભા બેઠક પરથી ચૂંટણી લડશે.તેઓ પહેલા બારડોલી વિધાનસભાના પ્રભારી તરીકે જવાબદારી નિભાવી રહ્યા છે.
10. ઓમ પ્રકાર તિવારી - ઓમ પ્રકાશ તિવારી આ વખતે નરોડા અમદાવાદની વિધાનસભા બેઠક પરથી ચૂંટણી લડશે.અગાઉ પર નરોડા વિધાનસભા પર કૉંગ્રેસના ઉમેદવાર તરીકે લડ્યા હતા.જેમાં 48000 જેટલા મત મેળવ્યા હતા.આમ આદમી પાર્ટીમાં જોડાયા બાદ રાજ્યના સંયુક્ત સચિવની જવાબદારી સોંપવામાં આવી હતી.
