ટોક્યો (જાપાન): છેલ્લી આવૃત્તિના રનર અપ કિદામ્બી શ્રીકાંત,(Kidambi Srikanth) બ્રોન્ઝ મેડલ વિજેતા લક્ષ્ય સેન(Lakshya Sen) અને થોમસ કપ સ્ટાર એચ,એસ પ્રણય(H,S,Pranay)એ ભારતીય ધ્વજ લહેરાતો રાખ્યો, પરંતુ બી,સાઈ પ્રણીત અને માલવિકા બંસોડની ઝુંબેશ સોમવારે અહીં BWF બેડમિન્ટન વર્લ્ડ ચેમ્પિયનશિપમાં સમાપ્ત થઈ ગઈ.
આ પણ વાંચોઃ નીરજ ચોપરા લુઝાન ડાયમંડ લીગમાં રમશે કે નહીં તેના પર મોટો પ્રશ્ન...
શ્રીકાંત અને સેન, જેઓ 2021 એડિશનની સેમિફાઇનલ(Semi-finals of the 2021 edition)માં મળ્યા હતા અને પ્રણય સીધી ગેમમાં તેમની મેચ જીતી ગયા હતા. એકંદરે, તે ભારત માટે મિશ્ર દિવસ હતો કારણ કેઅશ્વિની પોનપ્પા અને એન સિક્કી રેડ્ડી મહિલા ડબલ્સમાં આગળ વધી હતી. જ્યારે એમ.આર. અર્જુન અને ધ્રુવ કપિલાએ પુરૂષ ડબલ્સમાં બીજા રાઉન્ડમાં પ્રવેશ કર્યો હતો.
ઈશાન ભટનાગર અને તનિષા ક્રાસ્ટોની મિશ્ર ડબલ્સની જોડીએ પણ આગળ વધીને પેટ્રિક શીઈલ અને ફ્રાંઝિસ્કા વોલ્કમેનની જર્મન જોડીને 29 મિનિટમાં 21-12, 21-13થી હરાવી હતી. મનુ અત્રી અને બી સુમિત રેડ્ડીની જો કે જાપાનની હિરોકી ઓકામુરા અને માસાયુકી ઓનોડેરાની જોડી સામે 11-21, 21-19,15-21થી હાર થઈ હતી. જો કે, સેન અને શ્રીકાંતે પુરૂષ સિંગલ્સમાં શાનદાર શરૂઆત કરી હતી.તેમણે મેચમાં વ્યાપક જીત મેળવી.
આ પણ વાંચોઃ વિરાટ અને અનુષ્કાનો સ્કૂટી રાઈડનો વીડિયો થયો વાયરલ
ઉત્તરાખંડના 21 વર્ષીય સેન, નવમી ક્રમાંકિત, હંસ-ક્રિસ્ટિયન સોલબર્ગ વિટિંગસ સામે સીધી ગેમમાં જિત સાથે શરૂઆત કરી, ડેનમાર્કના વિશ્વના 19 નંબરના ખેલાડીને 35 મિનિટ સુધી ચાલેલી મેચમાં 21-12, 21-11થી માત આપી. રાઉન્ડ ઓફ 32માં હવે તેનો સામનો સ્પેનિયાર્ડ લુઈસ પેનાલ્વર સામે થશે.
વિશ્વના ભૂતપૂર્વ નંબર-1 શ્રીકાંતે 51 મિનિટના મુકાબલામાં આઇરિશના નહાટ ન્ગ્યુએનને 22-20, 21-19થી હરાવ્યો હતો. ભારતીય શટલર આગામી રાઉન્ડમાં પ્રતિભાશાળી ચીની યુવા ખેલાડી ઝાઓ જુન પેંગ સામે ટકરાશે. પ્રણય ઓસ્ટ્રિયાના લુકા રેબરને 21-12, 21-11થી હરાવીને મેન્સ સિંગલ્સના 32 રાઉન્ડમાં તેના બે દેશબંધુઓ સાથે જોડાયો હતો. ઘરનો ફેવરિટ અને ભૂતપૂર્વ બે વખતનો વર્લ્ડ ચેમ્પિયન કેન્ટો મોમોટા તેનો આગામી હરીફ હશે.
