'રાવણ લીલા' ફિલ્મનું અદ્ભુત ટ્રેલર રિલીઝ, રૉમેન્ટિક અંદાજમાં જોવા મળ્યો પ્રતીક ગાંધી

• પ્રતીક ગાંધીની ફિલ્મ 'રાવણ લીલા'નું ટ્રેલર રિલીઝ
• ટ્રેલરમાં પ્રતીક ગાંધીનો રૉમેન્ટિક અંદાજ જોવા મળ્યો
• ફિલ્મમાં એન્દ્રિતા રે સાથે રૉમાન્સ કરતો જોવા મળશે
• ફિલ્મ 1 ઑક્ટોબરના રોજ સિનેમાઘરોમાં રિલીઝ થશે

ન્યુઝ ડેસ્ક: અભિનેતા પ્રતીક ગાંધીની લાંબા સમયથી ચર્ચામાં ચાલી રહેલી ફિલ્મ 'રાવણ લીલા'નું ટ્રેલર રિલીઝ થઈ ગયું છે. અભિનેતાની આ ફિલ્મ લાંબા સમયથી ચર્ચામાં બનેલી છે. પ્રતીક ગાંધીના ફેન્સ 'રાવણ લીલા'નો ઇંતઝાર કરી રહ્યા છે. ગુરૂવારના ફિલ્મનું ટ્રેલર રિલીઝ કરી દેવામાં આવ્યું છે, જે અત્યારે સોશિયલ મીડિયા પર ઝડપથી વાયરલ થઈ રહ્યું છે. 'રાવણ લીલા'ના ટ્રેલરને પેન ઇન્ડિયાએ પોતાની સત્તાવાર યુટ્યુટ ચેનલ પર શેર કર્યું છે.

ફિલ્મમાં જોવા મળશે આ કલાકારો

આ ફિલ્મમાં પ્રતીક ગાંધીની સાથે અભિનેત્રી એન્દ્રિતા રે, અંકુર ભાટિયા, અભિમન્યુ સિંહ, રાજેશ શર્મા, અંકુર વિકલ, રાજેન્દ્ર ગુપ્તા, ગોપાલ સિંહ, ફ્લોરા સૈની, અનિલ રસ્તોગી, કૃષ્ણા બિષ્ટ અને ભાગ્યશ્રી મોટે સહિતના કલાકારો મુખ્ય ભૂમિકામાં છે. ફિલ્મ 'રાવણ લીલા'ના ટ્રેલરમાં પ્રતીક ગાંધીનો રૉમેન્ટિક અંદાજ જોવા મળી રહ્યો છે. ફિલ્મમાં તે એન્દ્રિતા રે સાથે રૉમાન્સ કરતો જોવા મળશે.

'અતિથિ ભૂતો ભવ:' અને 'દેઢ બીઘા જમીન' ફિલ્મમાં પણ જોવા મળશે પ્રતીક

ફિલ્મ 'રાવણ લીલા'ના ટ્રેલરને જોઇને કહી શકાય છે કે ફિલ્મમાં એક અલગ પ્રકારની પ્રેમ કહાની દર્શાવવામાં આવી છે. ટ્રેલરની સાથે જ ફિલ્મની રિલીઝ ડેટનો પણ ખુલાસો થઈ ગયો છે. આ ફિલ્મ આ વર્ષે 1 ઑક્ટોબરના રોજ સિનેમાઘરોમાં રિલીઝ થશે. ફિલ્મ 'રાવણ લીલા'નું નિર્દેશન હાર્દિક ગજ્જરે કર્યું છે. આમ તો પ્રતીક પહેલા પણ ગુજરાતી અને હિંદી ફિલ્મોમાં જોવા મળતો રહ્યો છે, પરંતુ મુખ્ય અભિનેતા તરીકે 'રાવણ લીલા' તેની પહેલી હિન્દી ફિલ્મ છે. એન્દ્રિતાનું પણ ફીમેલ લીડમાં આ ડેબ્યુ છે. ફિલ્મ 'રાવણ લીલા' ઉપરાંત પ્રતીક ગાંધી 'અતિથિ ભૂતો ભવ:' અને 'દેઢ બીઘા જમીન'માં પણ જોવા મળશે.

વધુ વાંચો: હિન્દી સિનેમાના હીમેન ધર્મેન્દ્રએ ચાયની ચુસ્કી ફિલ્મ 'રોકી ઔર રાની કી પ્રેમ કહાની' ના સેટ પરનો વીડિયો કર્યો શેર

વધુ વાંચો: અભિનેતા સલમાન ખાન જીજાજી આયુષ શર્મા સાથે મચાવશે ધૂમ, ફિલ્મ 'અંતિમ'નું પહેલું પોસ્ટર કર્યું શેર