- અર્જુન બિજલાનીએ શોની ટ્રોફી તેના પાંચ વર્ષના પુત્ર અયાનને સમર્પિત કરી
- આ શો દક્ષિણ આફ્રિકાના કેપટાઉનમાં શુટ કરવામા આવ્યો હતો
- અર્જુને પોતાના સોશિયલ મીડિયામાં પર શો વિશે એક વીડિયો શેર કર્યો
- અર્જુન 'નાગિન', 'મેરી આશિકી તુમ સે હી', 'મિલે જબ હમ તુમ' અને 'લેફ્ટ રાઇટ લેફ્ટ' જેવા લોકપ્રિય શોમાં દેખાયો છે
મુંબઇ : અભિનેતા અર્જુન બિજલાનીને રવિવારે રિયાલિટી શો "ખતરોં કે ખિલાડી" નો વિજેતા જાહેર કરવામાં આવ્યો હતો. લોકપ્રિય ટીવી સ્ટારે શોની ટ્રોફી તેના પાંચ વર્ષના પુત્ર અયાનને સમર્પિત કરી હતી. અર્જુને ટેલિવિઝન ચેનલ કલર્સ પર પ્રસારિત થતી 'ખતરોં કે ખિલાડી'ની 11 મી સીઝનમાં ભાગ લીધો હતો. આ શો દક્ષિણ આફ્રિકાના કેપટાઉનમાં શુટ કરવામા આવ્યો હતો. વિજેતા બન્યા બાદ અર્જુને પોતાના સોશિયલ મીડિયા એકાઉન્ટ પર એક વીડિયો શેર કર્યો. એક લાગણીસભર પોસ્ટ પણ લખી.
શેર કરેલો વીડિયો જેમાં 'ખતરોં કે ખિલાડી 11'ના અંતિમ તબક્કાની ક્ષણો
અર્જુન બિજલાનીએ શેર કરેલો વીડિયો જેમાં 'ખતરોં કે ખિલાડી 11'ના અંતિમ તબક્કોનો છે, જ્યાં દિવ્યાંકા ત્રિપાઠી અને અર્જુન પોતે હોસ્ટ રોહિત શેટ્ટીની બાજુમાં ઉભા છે અને વિજેતાની જાહેરાત થવાની આતુરતાથી રાહ જોઈ રહ્યા છે. રોહિતે અર્જુનના નામની જાહેરાત કરતાની સાથે જ તેની ખુશીનો કોઈ પાર નથી અને તે ભાવુક પણ થઈ જાય છે.
- " class="align-text-top noRightClick twitterSection" data="
">
આ પણ વાંચો : પ્રિયંકા ચોપરાએ પેરિસથી પોતાની કેટલીક લેટેસ્ટ તસવીરો શેર કરી
અર્જુન બિજલાનીએ વિડીયો કેપ્શનમાં કેમ આવું લખ્યું
અભિનેતાએ વિડીયોના કેપ્શનમાં લખ્યું- 'હારવું અને જીતવું તે ચાલુ રહે છે, ખરેખર મહત્વની બાબત શોની યાત્રા છે. મને લાગે છે કે આપણે બધાએ 'ખતરોં કે ખિલાડી'11 માં ખૂબ સારું પ્રદર્શન કર્યું. પ્રામાણિકપણે મને લાગે છે કે, વિશાલ આદિત્ય સિંહ અને દિવ્યાંકા ત્રિપાઠી પણ વિજેતા છે. મેં કહ્યું તેમ, આ શોમાં પ્રવાસ મહત્વપૂર્ણ છે. હું આપણા બધાની આટલી સારી કાળજી લેવા માટે 'ખતરોં કે ખિલાડી' ની સ્ટંટ ટીમનો આભાર માનવા માંગુ છું. રિયાલિટી અને સર્જનાત્મક ટીમનો ખૂબ ખૂબ આભાર જે શોને આટલો રસપ્રદ બનાવે છે. '
અર્જુન બિજલાનીએ ટીમનો આભાર વ્યકત કર્યો
આ પોસ્ટમાં અર્જુને હોસ્ટ રોહિત શેટ્ટીનો પણ ઉલ્લેખ કર્યો છે. તેણે લખ્યું- 'રોહિત શેટ્ટી સર, દરેક વખતે મને દબાણ કરવા અને આવા સારા માર્ગદર્શક બનવા બદલ આભાર. કલર્સ ટીવીનો આભાર. આભાર કેપટાઉન. મારી તમામ કારકિર્દી દરમિયાન મને ટેકો આપનારા બધાનો ખૂબ ખૂબ આભાર. તમે બધા તે ટ્રોફીને લાયક છો. દરેક વસ્તુ માટે સર્વશક્તિમાન આભાર. સિઝન 11 આપણે યાદ રાખીશું. શો જીત્યા બાદ તે અત્યંત ખુશ છે કારણ કે તેમાં ભાગ લેવો સરળ કામ નહોતું. અર્જુને કહ્યું, “શો જીતીને ખૂબ આનંદ થયો. કેપટાઉનમાં તે લાંબી મુસાફરી હતી. જ્યારે રોહિત સરે વિજેતા તરીકે મારું નામ જાહેર કર્યું ત્યારે મને ખૂબ આનંદ થયો. હું ખરેખર અયાન માટે તેને જીતવા માંગતો હતો. તેણે મને કહ્યું કે તે ઇચ્છે છે કે હું ટ્રોફી જીતીશ. બાળક માટે તે મોટી વાત છે. "
'ખતરોં કે ખિલાડી 11' શોનો ભાગ બનેલા સહકર્મીઓ એ અભિનંદન પાઠવ્યા
વિજેતા બન્યા બાદ અર્જુન સાથે શોનો ભાગ બનેલા વરુણ સૂદે પણ પોસ્ટ શેર કરીને તેને અભિનંદન આપ્યા છે. તેમજ અનુષ્કા સેને ઈન્સ્ટાગ્રામ પર ફોટો શેર કર્યો અને અર્જુનને વિજેતા બનવા બદલ અભિનંદન આપ્યા. અર્જુનના સાથી કલાકારો દિવ્યાંકા ત્રિપાઠી, શ્વેતા તિવારી, વિશાલ આદિત્ય સિંહ, ગાયક રાહુલ વૈદ્ય અને ટીવી કલાકાર વરુણ સૂદ સિવાય ટોપ છ ફાઇનલિસ્ટમાં હતા. અર્જુન 'નાગિન', 'મેરી આશિકી તુમ સે હી', 'મિલે જબ હમ તુમ' અને 'લેફ્ટ રાઇટ લેફ્ટ' જેવા લોકપ્રિય ટેલિવિઝન શોમાં દેખાયો છે.
