ઇસ્લામાબાદ: પાકિસ્તાને ગુરુવારે ભારતીય બળ આયોગના વરિષ્ઠ રાજદ્વારીને લાઇન ઓફ કન્ટ્રોલ (LOC) પર ભારતીય દળો દ્વારા કથિત યુદ્ધ વિરામના ભંગ અંગે વિરોધ નોંધાવવા સમન્સ પાઠવ્યું. આ અઠવાડિયામાં આ ત્રીજી વખત છે જ્યારે પાકિસ્તાને ભારતીય રાજદ્વારીને સમન્સ પાઠવ્યું છે.
વિદેશ કાર્યાલયનો દાવો છે કે, બુધવારે ચિરિકોટ સેક્ટરમાં ભારતીય સૈન્ય દ્વારા કરવામાં આવેલા અંધાધૂંધ અને અવિચારી ગોળીબારમાં એક 45 વર્ષિય ગ્રામીણ વ્યક્તિનીને ગંભીર ઈજા પહોંચી હતી.
જો કે, ભારતીય સેનાના પ્રવક્તાએ બુધવારે કહ્યું કે, પાકિસ્તાની સૈનિકોએ જમ્મુ-કાશ્મીરના પૂંચ જિલ્લામાં LOC સાથે જોડાયેલા બે સેક્ટરના આગળના વિસ્તારોમાં ગોળીબાર કર્યો હતો. જેના પર ભારતીય દળોએ જવાબી કાર્યવાહી કરી. LOC અને કાશ્મીરમાં આંતરરાષ્ટ્રીય સરહદ પરના વિસ્તારોમાં પાકિસ્તાની સૈનિકો દ્વારા ગોળીબાર થઈ હતી અને ગોળીબાર કરવાનો આ સતત પાંચમો દિવસ હતો.
તે જ સમયે, આ સતત બીજા દિવસે અને આ અઠવાડિયામાં ત્રીજીવાર છે જ્યારે ભારતીય રાજદ્વારીને પાકિસ્તાન દ્વારા સમન્સ મોકલવામાં આવ્યું છે.
આ અગાઉ પાકિસ્તાન વિદેશ કાર્યાલયે ભારતીય રાજદ્વારીને સોમવાર અને બુધવારે સમન્સ પાઠવ્યું હતું.
