બેજિંગ: વિશ્વ આરોગ્ય સંસ્થા (WHO)ના ડાયરેક્ટર જનરલ ટેડરોસ અદાનોમ ગિબેરેસસે સોમવારે કહ્યું હતું કે, 1 માર્ચ સુધીમાં ચીન સિવાયના અન્ય દેશોમાં કોરોના વાયરસના 8739 કેસ નોંધાયો છે. જેમાં 127 દર્દીના મોત નીપજ્યા છે. ડાયરેક્ટર જનરલે કહ્યું કે, ચીનમાં આ વાયરસના કેસમાં ઘટાડો થઇ રહ્યો છે, ત્યારે દુનિયાના અન્ય દેશોમાં વધુ કેસોની પુષ્ટિ થઈ રહી છે.
તેમણે વિભિન્ન દેશોને અપીલ કરી કે, આ રોગચાળો નિવારવા અને તેના નિયંત્રણને પ્રાધાન્ય આપવું જોઈએ. આ વાયરસને રોકવા સકારાત્મક પગલાં ભરવા જોઇએ. તેમણે વધુમાં કહ્યું હતું કે, WHOની એક ટીમ સોમવારના રોજ ઇરાનની રાજધાની તહેરાનમાં પહોંચી હતી. આ ટીમ સ્વાસ્થ્ય વિભાગ અને તેને સંબધિત સંસ્થાને સહયોગ આપશે.
ડાયરેક્ટર જનરલે કહ્યું કે, આપણી પાસે આ રોગચાળાના ફેલાવાને રોકવાની ક્ષમતા છે. અમે જે કાર્યવાહી કરીએ છીએ તે આ રોગચાળાને નિયંત્રિત કરશે.
