ETV Bharat / entertainment

PM મોદીની જ્યોર્જિયા મેલોની સાથેની સેલ્ફી પર કંગના રનૌતની કોમેન્ટ, જાણો #Melodi વાયરલ ફોટો પર 'ક્વીન'એ શું કહ્યું

author img

By ETV Bharat Gujarati Team

Published : Dec 2, 2023, 4:18 PM IST

Etv BharatModi And Meloni Selfie :
Etv BharatModi And Meloni Selfie :

Modi And Meloni Selfie: ઈટાલીના પીએમ જ્યોર્જિયા મેલોની સાથે પીએમ મોદીની એક સેલ્ફી વાયરલ થઈ રહી છે, હવે કંગના રનૌતે તેને શેર કરી છે અને ખૂબ જ સારી વાત લખી છે.

હૈદરાબાદ: UAEમાં વર્લ્ડ ક્લાઈમેટ એક્શન સમિટનું આયોજન થઈ રહ્યું છે. આ સમિટમાં ભાગ લેવા માટે દુનિયાભરના ઘણા મોટા નેતા દુબઈ પહોંચ્યા છે. દુબઈમાં COP 28 ક્લાઈમેટ સમિટમાં ભાગ લઈ રહેલા વડાપ્રધાન નરેન્દ્રની ઈટાલીના વડાપ્રધાન જ્યોર્જિયા મેલોની સાથેની તસવીરો સોશિયલ મીડિયા પર વાયરલ થઈ રહી છે. વાસ્તવમાં, પીએમ મોદી અને જ્યોર્જિયાની આ તસવીર એક સેલ્ફી છે, જેને ઈટાલિયન પીએમએ ગઈકાલે રાત્રે પોતાના ઈન્સ્ટાગ્રામ પર શેર કરી હતી.

મેલોડીની સેલ્ફી પર કંગનાએ શું કહ્યું?
મેલોડીની સેલ્ફી પર કંગનાએ શું કહ્યું?

કંગનાએ બે દેશોના વડાપ્રધાનોની આ સેલ્ફી શેર કરી: ઈટાલીના પીએમએ આ તસવીર સાથેના કેપ્શનમાં મિત્રતા ઉમેરી હતી. પીએમ મોદી અને મેલોનીની આ તસવીર સોશિયલ મીડિયા પર વાયરલ થઈ રહી છે. હવે બોલિવૂડની ક્વીન કંગના રનૌતે તેના ઈન્સ્ટાગ્રામ એકાઉન્ટ પર બે દેશોના વડાપ્રધાનોની આ સેલ્ફી શેર કરી છે.

મોદી-મેલોનીની સેલ્ફી પર કંગનાએ શું કહ્યું: કંગના રનૌતે આજે 2 ડિસેમ્બરના રોજ તેની ઈન્સ્ટાસ્ટોરી પર આ તસવીર શેર કરી અને તેનું કેપ્શન પણ આપ્યું. કંગનાએ આ તસવીર પર લખ્યું છે, ડિપ્લોમસી અદ્ભુત, કેઝ્યુઅલ અને મજેદાર હોઈ શકે છે, તે હંમેશા ઔપચારિક, ગંભીર અને સીધી હોવી જરૂરી નથી, તે પ્રશંસનીય છે કે ઈટાલીના માનનીય વડાપ્રધાન જ્યોર્જિયા મેલોની તેને કેટલો પ્રેમ કરે છે.

મેલોનીએ ગઈકાલે રાત્રે એક સેલ્ફી શેર કરીઃ તમને જણાવી દઈએ કે, ઈટાલીની પીએમ જ્યોર્જિયા મેલોનીએ 1લી ડિસેમ્બરની રાત્રે આ તસવીર તેના ઈન્સ્ટાગ્રામ એકાઉન્ટ પર શેર કરી હતી, જેને 6 લાખથી વધુ લાઈક્સ મળી છે. આ તસવીર શેર કરતાં મેલોનીએ લખ્યું, Good Friends at COP28, #Melodi.

આ પણ વાંચો:

  1. રાજનીતિમાં કંગના રનૌત અને પરિણીતી ચોપરા થઈ શકે છે સામસામે, જાણો કઈ સીટ પરથી લડી શકે છે ચૂંટણી
  2. ભારતે ઇકોલોજી અને ઇકોનોમી વચ્ચે સંતુલનનું વિશ્વ સમક્ષ ઉત્તમ ઉદાહરણ રજૂ કર્યું: PM મોદી
  3. પીએમ મોદી વિશ્વ વર્લ્ડ ક્લાઈમેટ એક્શન સમિટમાં ભાગ લેવા યુએઇ રવાના થયાં, એ પહેલાં કર્યું મોટું નિવેદન
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.