તક્ષશિલા આર્કેડની ઘટનામાં મૃતકોના પરિવાર ક્ષતી જણાતી હોય તે માટે નિષ્પક્ષ તપાસ કરી ન્યાય આપવાની રક્તપત્ર થકી માંગ કરી રહ્યા છે. યુવાઓએ મોઢે કાળી પટ્ટી બાંધી પોતાના લોહીથી રક્તપત્ર લખી આવેદનપત્ર બનાવામાં આવ્યું હતું જેમાં મનપા,ફાયર વિભાગ અને ડિજીવીસીએલના અધિકારીઓ સામે કડકથી કડક કાર્યવાહી કરવાની માંગ કરવામાં આવી છે.
અગ્નીકાંડને લઈ હજુ પણ લોકોમાં રોષ યથાવત
આ સાથે તક્ષશિલા આર્કેડના પાયા ખોદાવાની સાથે બિલ્ડીંગ ઉભું થયું ત્યાં સુધીના તમામ જવાબદારો સામે પગલાં ભરવાની માંગ કરવામાં આવી છે. તો યુવાનોએ મોઢે કાળી પટ્ટી બાંધી તંત્ર સામે શાંતિપૂર્વક વિરોધ નોંધાવ્યો હતો. મહત્વનુ છે કે ,અત્યાર સુધી ફક્ત નાના કર્મચારીઓ સામે જ કાર્યવાહી કરવામાં આવી હોવાનો પણ રક્તપત્ર માં ઉલ્લેખ કરાયો છે.
