સુરતના જહાંગીરપુરા વિસ્તારમાં રહેતા સુખાભાઈ ઉર્ફે પ્રકાશભાઈ રાઠોડ દ્વારા ચાર વર્ષીય માસૂમ બાળકી જોડે શારીરિક અડપલા ગુજારવામાં આવ્યા છે. માસૂમ બાળકીને પોતાના રૂમમાં બોલાવી એકલતાનો લાભ ઉઠાવી શારીરિક અડપલા કર્યા હતા. બાળકી રડતા રડતા માતા પાસે પહોંચી હતી, જે જોઈ માતા ચોંકી ઉઠી હતી અને બાળકીને પૂછતાં સગર હકીકત સામે આવી હતી. બાળકીની માતાએ પોલીસ ફરિયાદ કરતા સુખા ઉર્ફે પ્રકાશ રાઠોડની પોલીસે ધરપકડ કરી હતી.
ચાર વર્ષીય બાળકી સાથે શારીરિક અડપલા કરતો નરાધમ ઝડપાયો
બાળકી સાથે અન્ય કંઈ અજુગતું બન્યું છે કે કેમ તે અંગે બાળકીનો સુરત નવી સિવિલ હોસ્પિટલ ખાતે મેડિકલ ચેકઅપ પણ કરાવવામાં આવ્યો છે. હાલ આરોપીની ધરપકડ કરી જહાંગીરપુરા પોલીસે વધુ તપાસ હાથ ધરી છે.
