- રાજકોટમાં અસામાજીક તત્ત્વનો આતંક
- એક રીક્ષા સહિત 5 વાહનોમાં આગ ચાંપી
- પોલીસે ગુનેગારોને શોધવા કવાયત હાથ ધરી
રાજકોટઃ શહેરમાં ગત કરફ્યૂની મધરાતે જિલ્લા ગાર્ડન સ્લમ કવાર્ટરમાં કોઇ અજાણ્યા લોકો દ્વારા 4 બાઇક અને એક રિક્ષાને સળગાવી દેવામાં આવ્યા હતા. જે કારણે સમગ્ર વિસ્તારમાં ચકચાર મચી ગઇ છે. પોલીસે આ અંગે ગુનો નોંધી ગુનેગારોને શોધી કાઢવા દોડધામ શરૂ કરી છે.
સમગ્ર ઘટનામાં 2.35 લાખનું નુકસાન
4 બાઇક અને એક રિક્ષામાં આગથી અંદાજીત રૂપિયા 2.35 લાખનું નુકસાન થયું છે. જેમના વાહનો સળગાવવામાં આવ્યા છે, તેમને કોઇની પણ સાથે મનદુ:ખ કે માથાકુટ નથી. ત્યારે હાલ આ અંગેની તપાસ ચાલી રહી છે. આ બનાવ અંગે ભક્તિનગર પોલીસ મથકે ફરિયાદ નોંધવામાં આવી છે.
