રાજકોટઃ કોંગ્રેસની સૌરાષ્ટ્ર ઝોનની વિસ્તૃત કારોબારીની બેઠક યોજાનાર છે. તે પહેલા કોંગ્રેસનાં દિગ્ગજ નેતાઓ સાથે ખોડલધામનાં ચેરમેન નરેશ પટેલની (Khodaldham chairman Naresh Patel) બંધ બારણે (Rajkot Congress Meeting) બેઠક યોજાતા અનેક તર્કવિતર્ક ઉઠયા છે. નરેશ પટેલ ટૂંક સમયમાં કોંગ્રેસ સાથે જોડાય તેવી અટકળો વહેતી થઈ છે. જો કે હંમેશની માફક કોંગ્રેસનાં નેતાઓએ (Gujarat Congress ) પણ આ એક ઔપચારિક મુલાકાત હોવાનું રટણ કર્યું હતું. જ્યારે નરેશ પટેલ તો બેઠક બાદ મીડિયાથી મોં છુપાવી પાછલા બારણેથી (Naresh Patel Politics )રવાના થઈ ગયા હતાં.
આ પણ વાંચોઃ કોંગ્રેસની સૌરાષ્ટ્ર ઝોનની બેઠક, શું હાર્દિકને નરેશ પટેલને લઈને આ ભય હતો ?
લાંબા સમયથી બેઠકોનો દોર- ખોડલધામનાં ચેરમેન નરેશ પટેલનાં રાજકારણ પ્રવેશ અંગે લાંબા સમયથી અનેક અટકળો ચાલી રહી છે. જો કે નરેશ પટેલ આ માટે તારીખ પે તારીખ આપી રહ્યા છે અને મગનું નામ મરી (Naresh Patel Politics )પાડતા નથી. માત્ર વિવિધ પક્ષના નેતાઓ સાથે બંધબારણે બેઠકો (Rajkot Congress Meeting)યોજી રહ્યા છે. ત્યારે ફરી એકવખત આવી જ એક બેઠકનું આયોજન કરવામાં આવ્યું હતું. નરેશ પટેલનાં ફાર્મ ખાતે યોજાયેલી આ બેઠકમાં કોંગ્રેસના ધુરંધર નેતાઓ પ્રભારી રઘુ શર્મા, કોંગ્રેસ વિરોધ પક્ષના નેતા સુખરામ રાઠવા, પ્રદેશ પ્રમુખ જગદીશ ઠાકોર પૂર્વ કોંગ્રેસ પ્રમુખો અર્જુનભાઈ મોઢવાડીયા, અમિત ચાવડા સહિતનાં હાજર રહ્યાં હતાં.
આ પણ વાંચોઃ આવું જ ચાલશે કૉંગ્રેસ ગુજરાતમાં સરકાર બનાવવા તરસી જ જશેઃ કૉંગ્રેસના પૂર્વ નેતા હાર્દિક પટેલ
ફરી ગણાવી ઔપચારિક બેઠક- આ બેઠકને લઈને મોટી નવાજૂનીના એંધાણની અને ખોડલધામ નરેશનાં કોંગ્રેસ પ્રવેશની વાતો પણ વહેતી થઈ હતી. જો કે હંમેશની માફક આ વખતે પણ નરેશ પટેલ (Naresh Patel Politics )સહિત કોંગ્રેસનાં નેતાઓએ ઠંડુ પાણી રેડી દીધું હતું. આ મુલાકાત માત્ર ઔપચારિક મુલાકાત હોવાનું કોંગ્રેસનાં નેતાઓએ જણાવ્યું હતું. જો કે નરેશ પટેલ મીડિયા સાથે વાત કર્યા વિના રવાના થઈ ગયા હતાં.
આડકતરો સ્વીકાર- નરેશ પટેલને કોંગ્રેસમાં લાવવા માટે હાઇકમાન્ડ દ્વારા પ્રયાસ કરવામાં આવી રહ્યા હોવાનું નામ નહીં આપવાની શરતે કોંગી નેતાઓ પણ સ્વીકારી રહ્યા છે. ત્યારે હવે નરેશ પટેલ (Naresh Patel Politics )ક્યારે કોંગ્રેસનો 'હાથ' ઝાલશે તેનાં પર લોકો મીટ માંડી બેઠા છે. ઉલ્લેખનીય છે કે, આજે બપોરે કોંગ્રેસની સૌરાષ્ટ્ર ઝોનની વિસ્તૃત કારોબારીની બેઠક પણ મળી રહી છે. જેમાં આગામી ચૂંટણીને(Gujarat Assembly Election 2022) લઈને મહત્વની રણનીતિ ઘડવામાં આવનાર છે.
