નવી દિલ્હી : સુપ્રીમ કોર્ટે શુક્રવારે અદાણી-હિંડનબર્ગ કેસના ચુકાદા સુધી મીડિયાને રિપોર્ટિંગ કરવાથી રોકવાની માગ કરતી અરજીને ફગાવી દીધી હતી. હિંડનબર્ગ રિસર્ચ દ્વારા લગાવવામાં આવેલા છેતરપિંડીના આરોપોને પગલે અદાણી ગ્રૂપના શેરમાં થયેલા ઘટાડાને લઈને સર્વોચ્ચ અદાલતે 20 ફેબ્રુઆરીએ પીઆઈએલની બેચ પર પોતાનો આદેશ અનામત રાખ્યો હતો.
અદાણી-હિંડનબર્ગ કેસ : ચીફ જસ્ટિસ ડીવાય ચંદ્રચૂડ, જસ્ટિસ પીએસ નરસિમ્હા અને જસ્ટિસ જેબી પારડીવાલાની બેન્ચે એડ્વોકેટ એમએલ શર્માની અરજીને ફગાવી દીધી હતી, જેમણે આ બાબતનો ઉલ્લેખ કર્યો હતો. બેન્ચે કહ્યું કે, 'અમે મીડિયા પર કોઈ પ્રતિબંધ લાદીશું નહીં.'
અદાણી કેસ : અદાણી કેસમાં હિંડનબર્ગ રિસર્ચ ગ્રૂપે છેતરપિંડી અને અરજદારો પૈકીના એકના સૂચનના આરોપો મૂક્યા બાદ અદાણી ગ્રૂપના શેરમાં ઘટાડા અંગે ફોર્બ્સ દ્વારા પ્રકાશિત અહેવાલને રેકોર્ડ પર લેવાનો કોર્ટે સોમવારે ઇનકાર કર્યો હતો. તેણે 17 ફેબ્રુઆરીએ અદાણી ગ્રૂપના શેરમાં ભારે ઘટાડાને ધ્યાનમાં રાખીને બજાર માટે નિયમનકારી પગલાં મજબૂત કરવા નિષ્ણાતોની સમિતિના કેન્દ્રના સૂચનને સીલબંધ કવરમાં સ્વીકારવાનો ઇનકાર કર્યો હતો.
આ પણ વાંચો : Holiday In March 2023 : આવી ગયો છે માર્ચ મહિનો, ઝડપથી તપાસો બેંકની રજાઓનું લિસ્ટ
હિંડનબર્ગ રિપોર્ટમાં અદાણી ગ્રુપ પર સવાલો ઉઠાવવામાં આવ્યા : 20 ફેબ્રુઆરીએ સુપ્રીમ કોર્ટે અદાણી હિંડનબર્ગ કેસમાં ફોર્બ્સના રિપોર્ટને રેકોર્ડ પર લેવાનો ઇનકાર કરી દીધો હતો. CJI DY ચંદ્રચુડની અધ્યક્ષતાવાળી બેંચે કહ્યું હતું કે, તે તેને રેકોર્ડ પર લેશે નહીં. તમને જણાવી દઈએ કે, હિંડનબર્ગ રિપોર્ટમાં અદાણી ગ્રુપ પર સવાલો ઉઠાવવામાં આવ્યા હતા. ત્યારથી તપાસની માંગ ઉઠી છે.
આ પણ વાંચો : HOLI 2023 : જાણો હોળીની પરંપરા કેટલી જૂની છે અને તેનું શા માટે છે વિશેષ મહત્વ
