હૈદરાબાદ : દર મહિનાની જેમ ડિસેમ્બર મહિના (Last month of the year 2022)ની શરૂઆતમાં પણ મોટા ફેરફારો જોવા મળશે. આ તમારા નાણાકીય સ્વાસ્થ્યને અસર કરી શકે છે. આ ફેરફારો LPG ગેસ સિલિન્ડરની કિંમતથી (LPG gas cylinder price change) લઈને પેન્શન સુધીની છે.
એલપીજી સિલિન્ડરની કિંમત: LPGના ભાવમાં વધારો અને ઘટાડો દર મહિનાના પ્રથમ દિવસે જોવા મળે છે. આવા કિસ્સામાં તારીખ 1 ડિસેમ્બર 2022ના રોજ LPG સિલિન્ડરના દરમાં ફેરફાર પણ જોવા મળી શકે છે. તારીખ 1લી નવેમ્બરના રોજ દેશભરમાં કોમર્શિયલ LPG સિલિન્ડરની કિંમતમાં ધરખમ ઘટાડો કરવામાં આવ્યો હતો. આ વખતે લોકો રાંધણગેસ સિલિન્ડરની કિંમતમાં ઘટાડાની અપેક્ષા રાખી રહ્યા છે, જે લાંબા સમયથી યથાવત છે.
ATMમાંથી રોકડ ઉપાડ પદ્ધતિમાં ફેરફારઃ તારીખ 1 ડિસેમ્બરથી ATMમાંથી પૈસા ઉપાડવાની પદ્ધતિમાં પણ ફેરફાર જોવા મળી શકે છે. પંજાબ નેશનલ બેંક (PNB) મહિનાની શરૂઆતમાં ATM રોકડ ઉપાડની પ્રક્રિયામાં ફેરફાર કરી શકે છે. જેથી ATMમાંથી રોકડ ઉપાડ દરમિયાન છેતરપિંડીના કિસ્સાઓ અટકાવી શકાય. સમાચાર અનુસાર બેંકના ATMમાં કાર્ડ નાખતાની સાથે જ તમારા મોબાઇલ નંબર પર એક OTP મોકલવામાં આવશે. ATM સ્ક્રીન પર આપેલ કોલમ દાખલ કર્યા પછી જ કેશ બહાર આવશે.
રિટેલ માટે ડિજિટલ રૂપિયો: ભારતીય રિઝર્વ બેંક (RBI) એ તારીખ 1 ડિસેમ્બરથી રિટેલ માટે ડિજિટલ રૂપિયો શરૂ કરવાની જાહેરાત કરી છે. રિટેલ ડિજિટલ કરન્સી માટે આ પહેલો પાયલોટ પ્રોજેક્ટ હશે. દરમિયાન ઈ-રુપિયાના વિતરણ અને ઉપયોગની સમગ્ર પ્રક્રિયાની તપાસ કરવામાં આવશે. અગાઉ, તારીખ 1 નવેમ્બરના રોજ કેન્દ્રીય બેંકે જથ્થાબંધ વ્યવહારો માટે ડિજિટલ રૂપિયો લોન્ચ કર્યો હતો.
ડિજિટલ ચલણ: કેન્દ્રીય બેંકની આ ડિજિટલ ચલણને સેન્ટ્રલ બેંક ડિજિટલ કરન્સી (CBDC) નામ આપવામાં આવ્યું છે. પ્રથમ તારીખથી, તે દેશના પસંદગીના સ્થળ પર રજૂ કરવામાં આવશે. જેમાં ગ્રાહકોથી લઈને વેપારીઓ સુધીની દરેક વસ્તુને આવરી લેવામાં આવશે.
13 દિવસની બેંક રજાઃ જો તમારી પાસે ડિસેમ્બર મહિનામાં બેંક સંબંધિત કોઈ મહત્વપૂર્ણ કામ છે, તો તમારે જાણવું જ જોઈએ કે, ડિસેમ્બરમાં કુલ 13 દિવસ બેંકોમાં કોઈ કામ નહીં થાય. જો કે, આ રજાઓ રાજ્ય-રાજ્યમાં અલગ-અલગ હશે (ડિસેમ્બર 2022માં બેંક રજાઓ). તેથી RBIની વેબસાઈટ પરથી બેંક હોલીડે લિસ્ટ જોઈને જ તમારા બેંક સંબંધિત કામની યોજના બનાવો.
જીવન પ્રમાણપત્ર જમા કરાવવાની છેલ્લી તારીખ: પેન્શનધારકો માટે આજે તેમનું જીવન પ્રમાણપત્ર જમા કરાવવાની છેલ્લી તક છે. તેને સબમિટ કરવાની છેલ્લી તારીખ 30 નવેમ્બર 2022 છે. જો તમે આજે તમારું જીવન પ્રમાણપત્ર સબમિટ નહીં કરો, તો તમને મળતું પેન્શન અવરોધાઈ શકે છે. તારીખ 1લી ડિસેમ્બર પછી તમને તક નહીં મળે.
