હૈદરાબાદ ઘરઆંગણે ક્રિકેટ વર્લ્ડ કપ 2023 નું આયોજન થતાં ભારતીય ક્રિકેટપ્રેમીઓમાં અનેરો ઉત્સાહ હતો. ભારતીય ચાહકોમાં ટીમની જીતની શક્યતાને લઈને ઘણી અપેક્ષાઓ હતી, કારણ કે સામાન્ય રીતે ઘરઆંગણાની પીચનો અને પ્રેક્ષકોના સમર્થનનો ફાયદો ટીમની સફળતામાં મોટી ભૂમિકા ભજવે છે. ઉપરાંત ભારતીય ટીમ અને તેમના પ્રશંસકો છેલ્લા 10 વર્ષથી ICC ટ્રોફી ગુમાવવાની ભયંકર પીડાથી પીડાતા હતા.
ODI વર્લ્ડ કપ એશિયા કપથી ટીમ સિલેક્શનની શરૂઆત કરવામાં આવી હતી. મુખ્ય બેટ્સમેન રોહિત શર્મા અને વિરાટ કોહલીએ ટુર્નામેન્ટ પહેલા ઘણી મેચમાં નહોતા રમ્યા, તેઓ આ વર્લ્ડ કપમાં મોટાભાગની મેચ રમ્યા હતા. એશિયા કપની શરૂઆત પહેલા બંનેને વર્કલોડ મેનેજમેન્ટ માટે મેચ ન મળવા બદલ ક્રિકેટ સમુદાયના વિવિધ વિભાગો તરફથી ઘણી પ્રતિક્રિયાઓ સહન કરવી પડી હતી. જોકે રોહિત અને વિરાટ ભારતીય બેટિંગ યુનિટના પ્રભાવશાળી આઉટિંગ માટેના બે મુખ્ય સ્તંભો હતા. વર્લ્ડકપમાં કેટલીક પુનરાગમનની ક્રિકેટરો પણ સામેલ છે. જેમાં ઝડપી બોલર જસપ્રીત બુમરાહ, બેટ્સમેન શ્રેયસ અય્યર અને વિકેટ-કીપર કેએલ રાહુલ ગંભીર ઇજા બાદ તાજેતરમાં આંતરરાષ્ટ્રીય સર્કિટમાં પરત ફર્યા હતા.
આ ઉપરાંત ભારત હોમગ્રાઉન્ડના ફાયદા અને સ્પિનરોની ગુણવત્તાને ધ્યાનમાં રાખીને વર્લ્ડ કપ ટ્રોફી માટે ફેવરિટ દાવેદાર હતું. જેઓ તેમના ઉપયોગ માટે રમતની સ્થિતિનો ઉપયોગ કરી શકે છે. ચાહકોના આવા દબાણને હેન્ડલ કરવું મુશ્કેલ કામ હતું. ટૂર્નામેન્ટમાં શ્રેષ્ઠ દેખાવ કરવા માટે ભારતીય ટીમની પ્લેઈંગ ઈલેવન ફોર્મેટ એક મુખ્ય પરિબળ હતું, જેમાં ભારતને બદલાવ કરવાની જરૂર હતી. T20 વર્લ્ડ કપ 2022 ની સેમિફાઇનલમાં જ્યારે રોહિત શર્માની આગેવાની હેઠળની ભારતીય ટીમને ઇંગ્લેન્ડના હાથે 10 વિકેટથી હારનો સામનો કરવો પડ્યો, ત્યારે રોહિત શર્મા અને મુખ્ય કોચ રાહુલ દ્રવિડે જૂની ફોર્મટને તક આપવાનું નક્કી કર્યું હતું.
"રો"હિટમેનની અતિ-આક્રમક શરૂઆત
એક સારા પાસે કેપ્ટન મજબૂત પ્રદર્શન સાથે ટીમનું નેતૃત્વ કરવાની અપેક્ષા કરવામાં આવે છે અને રોહિત શર્માએ ટૂર્નામેન્ટમાં તે સાબિત કર્યું હતું. તે ટુર્નામેન્ટની પ્રથમ દસ ઓવરમાં 135.02ના સ્ટ્રાઈક રેટ સાથે સૌથી વધુ રન બનાવનાર ખેલાડી હતો, જે ઉલ્લેખિત સમયગાળામાં કોઈપણ બેટ્સમેન માટે સૌથી વધુ છે. તેના આક્રમણકારી અભિગમથી મજબૂત શરૂઆત મળતી હતી તથા તેણે ટીમને સ્કોરિંગ મોમેન્ટમ પણ પ્રદાન કર્યું હતું. જેને અન્ય બેટ્સમેન આગળ ધપાવવામાં સરળતા રહે અને મોટા ટાર્ગેટ સુધી પહોંચાડે છે. ઉપરાંત તેના હાઈ રિસ્ક લેવાના અભિગમને કારણે વિશ્વકપમાં સૌથી વધુ છગ્ગા ફટકારવાની સિદ્ધિ અપાવી હતી.બેટ સાથેનું આક્રમક વલણ રોહિતનું એકમાત્ર પાસુ નહોતું, પરંતુ જ્યારે જરૂર પડે ત્યારે તેણે અભિગમને હળવો કર્યો હતો. ઉદાહરણ તરીકે ઇંગ્લેન્ડ સામેની મેચમાં જ્યાં અન્ય ખેલાડીઓને સ્કોર કરવામાં સંઘર્ષ કરવો પડી રહ્યો હતો, ત્યારે રોહિત શર્માએ 101 બોલમાં 87 રનની ઇનિંગ રમી હતી.
મિડલ ઓવરમાં કોહલીની "વિરાટ" ભૂમિકા
કોઈપણ મેચમાં મર્યાદિત ઓવરમાં શ્રેષ્ઠ દેખાવ કરવા માટે લાઇનઅપમાં આક્રમક બેટ્સમેનની જરૂર હોય છે, આથી એન્કરની ભૂમિકા ભજવી શકનાર બેટ્સમેન શ્રેષ્ઠ હોય છે. વિરાટ કોહલીએ પરિસ્થિતિનો સામનો કર્યો અને જવાબદારી પોતાના ખભા પર લીધી હતી. રોહિત શર્માએ ભારતીય બેટિંગ યુનિટ માટે લોન્ચપેડ પૂરું પાડ્યું અને બીજી તરફ કોહલીએ ક્રીઝ પર ટકી રહી સતત રનના પ્રવાહને સુનિશ્ચિત કર્યો હતો. તેના આકર્ષક સ્ટ્રોક-પ્લે અને વિશ્વકક્ષાની ટેકનિકથી 11 ઇનિંગ્સમાં 95.62 સનસનાટીભર્યા એવરેજથી 765 રન સાથે ટૂર્નામેન્ટનો ટોચનો રન બનાવનાર ખેલાડી બન્યો હતો. ભારતના સ્ટાર બેટ્સમેને ટૂર્નામેન્ટમાં કેટલાય રેકોર્ડ તોડ્યા ઉપરાંત તેણે અન્ય બેટ્સમેનોને એન્કરની ભૂમિકા સાથે સ્કોરબોર્ડના કોઈપણ દબાણ વિના રમવાની તક આપી હતી.
વિકેટ-કીપર-બેટર કેએલ રાહુલને ઈન્ડિયન પ્રીમિયર લીગ (IPL) દરમિયાન હેમસ્ટ્રિંગમાં ઈજા પહોંચી હતી અને બેટ્સમેન શ્રેયસ ઐય્યર પીઠની ઈજાને કારણે છ અઠવાડિયા સુધી એક્શનથી બહાર હતો. આ બંને ક્રિકેટરોએ તમામ ટીકાકારોને ચૂપ કરી દીધા, જેઓ ઇજામાંથી પરત ફર્યા બાદ તેમના ફોર્મ અંગે શંકા કરી રહ્યા હતા. બંને બેટ્સમેનોની એવરેજ 50 થી ઉપર હતી અને મિડલ ઓવરમાં મહત્વની ભૂમિકા ભજવીને ટીમના ટોટલ સ્કોરમાં મોટું યોગદાન આપ્યું હતું.
ભારતની ઘાતક બોલિંગ યુનિટ
હાર્દિક પંડ્યા અને શાર્દુલ ઠાકુર શરૂઆતની મેચમાં ટીમ માટે પાંચમા બોલરની ભૂમિકા ભજવી રહ્યા હતા, પરંતુ બાંગ્લાદેશ સામેની મેચમાં તેમને સૌથી મોટા ડરનો સામનો કરવો પડ્યો હતો. હાર્દિક પંડ્યાને તેના ડાબા પગની ઘૂંટીમાં ઈજા થઈ અને પરિણામે ભારતને તેનો ટુ-ઈન-વન ખેલાડી ગુમાવવો પડ્યો હતો. જોકે ઓલરાઉન્ડર પંડ્યાની ગેરહાજરી બાદ ટીમે તેમની વ્યૂહરચના સંપૂર્ણપણે બદલી નાખી અને ઝડપી બોલર મોહમ્મદ શમીના સમાવેશ સાથે બોલિંગ યુનિટને મજબૂત કરવાનું પસંદ કર્યું. શમીએ શરૂઆતથી જ તેની યોગ્યતા સાબિત કરી અને વિપક્ષી બેટ્સમેનોને તમામ પ્રકારની મુશ્કેલીનો સામનો કરવો પડ્યો હતો.
શાનદાર શમીએ સાત ઇનિંગ્સમાં 10.70 ની એવરેજ અને 12.20 ની અવિશ્વસનીય સ્ટ્રાઇક રેટ સાથે 24 વિકેટ ઝડપી હતી. જેમાં ત્રણ પાંચ-વિકેટ હોલનો પણ સમાવેશ થાય છે, જે તેણે ટુર્નામેન્ટમાં બનાવેલી ઘાતક બોલિંગને દર્શાવે છે. પંડ્યાના બહાર નીકળ્યા પછી શમી માટે પોતાની યોગ્યતા સાબિત કરવાનો માર્ગ મોકળો કર્યો અને તેણે ભારતને એક ઘાતક બોલિંગ યુનિટ બનાવ્યું હતું.
શમી તેની વિકેટ લેવાની ક્ષમતા સાથે ફાઇનલ માટે ભારતના રસ્તાનો મુખ્ય આર્કિટેક્ટ હતો, ત્યારે જસપ્રીત બુમરાહ આ વાર્તાનો બીજો હીરો હતો. તેણે વિરોધી ટીમના સ્કોરને બ્રેક મારીને બેટ્સમેન પર દબાણ ઊભું કર્યું હતું. તે ટુર્નામેન્ટમાં સૌથી વધુ વિકેટ લેનાર ચોથા નંબરનો બોલર હતો. પરંતુ વધુ મહત્વની બાબત એ છે કે શ્રેષ્ઠ ઈકોનોમી રેટની દ્રષ્ટિએ રવિચંદ્રન અશ્વિન બાદ બુમરાહ બીજા ક્રમનો બોલર હતો. બુમરાહે 91.5 ઓવરમાં માત્ર 4.06 ની ઇકોનોમી પર રન લીક કર્યા હતા. સ્પિનરો પણ તેમની ઈકોનોમી સાથે બેજોડ હતા. રવિન્દ્ર જાડેજા અને કુલદીપ યાદવે અનુક્રમે 4.25 અને 4.45 ની ઇકોનોમી નોંધાવતા ટૂર્નામેન્ટમાં 90 થી વધુ ઓવર ફેંકી હતી.
રોમાંચક વિજયયાત્રાનો દુઃખદ અંત
વ્યક્તિગત પ્રદર્શનથી મેચ જીતી શકાય છે, પરંતુ વર્લ્ડ કપની ટ્રોફી ઉપાડવા માટે ટીમના સંયુક્ત પ્રદર્શનની જરૂરી છે. ભારત ફાઇનલમાં પહોંચવા માટે એક ચુનંદા પક્ષની જેમ પ્રદર્શન કરી રહ્યું હતું અને તેથી ઓસ્ટ્રેલિયા સામેના મહામુકાબલા પહેલા ઘણા લોકોએ ભારતને જીતનું દાવેદાર માની લીધું હતું. આશાવાદ એ હકીકત પરથી પણ ઉભરી આવ્યો હતો કે મેન ઇન બ્લુને ICC ઇવેન્ટ્સમાં 10 વર્ષનો ટ્રોફીનો દુષ્કાળ ખતમ કરવાની તક મળી હતી.
જોકે મહામુકાબલામાં ભારતને પ્રથમ બેટિંગ કરવા મોકલવામાં આવ્યા હતા અને પિચ પ્રથમ દાવમાં સ્કોર કરવા માટે અત્યંત મુશ્કેલ લાગતી હતી. રોહિત શર્માએ ફરી એકવાર ફ્લાયર પૂરું પાડ્યું પરંતુ તેના આઉટ થયા પછી સ્કોરબોર્ડને બ્રેક લાગી હતી. જેના પરિણામે ભારતનો કુલ સ્કોર 240 પર સમાઈ ગયો હતો. કુલ સ્કોર ખૂબ જ નાનો હતો પરંતુ ભારતીય બોલરોએ આશાનું કિરણ જગાવ્યું જ્યારે તેઓએ પ્રથમ સાત ઓવરમાં ઓસ્ટ્રેલિયાની 3 વિકેટ ખેરવીને માત્ર 47 રન આપ્યા હતા. જોકે ઓપનર ટ્રેવિસ હેડનો વળતો હુમલો ત્યારબાદ રોહિત એન્ડ કંપની પર ભારે પડ્યો અને પરિણામે ઓસ્ટ્રેલિયાએ ટ્રોફીને 6 વિકેટે જીતી લીધી હતી. શમી અને બુમરાહ તેમના શરૂઆતના સ્પેલમાં ફરી એકવાર ઘાતક હતા, પરંતુ અન્ય બોલરો અગાઉ જે પ્રકારનું શિસ્ત બતાવ્યું હતું તે બતાવવામાં નિષ્ફળ રહ્યા હતા.
