JNU Delhi: JNUમાં યુનિ. તંત્ર વિરૂધ્ધ વિદ્યાર્થીઓએ યોજી મશાલ રેલી, કહ્યું હજી મોટા પ્રદર્શન માટે તૈયાર રહેજો...

author img

By ETV Bharat Gujarati Team

Published : Dec 24, 2023, 8:25 AM IST

JNUમાં યુનિ. તંત્ર વિરૂધ્ધ વિદ્યાર્થીઓએ કાઢી રેલી

નવી દિલ્હીની જવાહરલાલ નેહરુ યુનિવર્સિટીમાં શનિવારની રાતે વિદ્યાર્થી સંગઠનોએ વિશાળ મશાલ રેલી યોજી હતી અને યુનિવર્સિટી પ્રશાસન વિરુદ્ધ પ્રદર્શન કર્યું હતું. આ દરમિયાન કહેવામાં આવ્યું હતું કે જો તેમની માંગણીઓ નહીં સ્વીકારવામાં આવે તો આગળ વધુ મોટું પ્રદર્શન કરવામાં આવશે.

નવી દિલ્હી: શનિવારે જવાહરલાલ નેહરુ યુનિવર્સિટી સ્ટુડન્ટ યુનિયન (JNUSU) અને વિવિધ ડાબેરી વિદ્યાર્થી સંગઠનોએ રાજધાનીમાં એક વિશાળ મશાલ સરઘસ કાઢ્યું હતું. યુનિવર્સિટી વહીવટીતંત્ર દ્વારા છેલ્લાં કેટલાંક દિવસોમાં ઘણા નિયમોમાં ફેરફારો કરવામાં આવ્યા છે. જે અંતર્ગત કોઈપણ વહીવટી અથવા શૈક્ષણિક બિલ્ડીંગના 100 મીટરની અંદર વિરોધ પ્રદર્શન કરવા પર 20,000 રૂપિયા સુધીનો દંડ અને કેમ્પસમાં દેશદ્રોહના સૂત્રોચ્ચાર કરવા પર 10 રૂપિયાનો દંડ કરવા જેવા નિયમો બનાવવામાં આવ્યા છે. અહીંના ઘણા વિદ્યાર્થી સંગઠનો આ નિયમોનો વિરોધ કરી રહ્યા છે.

શું છે વિદ્યાર્થીઓની માંગણી: તાજેતરમાં જ જેએનયુએસયુના પ્રમુખ આઈસી ઘોષ અને અન્ય ઘણા વિદ્યાર્થીઓને પણ 30 હજાર રૂપિયાનો દંડ ફટકારવામાં આવ્યો છે. આગામી દિવસોમાં અહીં મોટો વિરોધ થવાની સંભાવના છે. આ દરમિયાન આઈષી ઘોષે કહ્યું કે જ્યાં સુધી યુનિવર્સિટી પ્રશાસન અમારી માંગણીઓ નહીં સ્વીકારે ત્યાં સુધી વિરોધ પ્રદર્શન ચાલુ રહેશે. યુનિવર્સિટી પ્રશાસને વિદ્યાર્થી વિરોધી નિયમો બનાવ્યા છે. હોસ્ટેલમાં પ્રાથમિક સુવિધાઓનો અભાવ છે. પરંતુ તેમ છતાં વિદ્યાર્થીઓની રજૂઆતો સાંભળવામાં આવતી નથી. આ મશાલ રેલી જેએનયુના ગંગા ઢાબાથી લઈને કેમ્પસની તમામ હોસ્ટેલમાંથી પસાર થઈને ચંદ્રભાગા હોસ્ટેલ ખાતે પૂર્ણ થઈ હતી.

વિદ્યાર્થીઓનો આરોપ: આ વિરોધ પ્રદર્શનમાં અખિલ ભારતીય વિદ્યાર્થી પરિષદ ઉપરાંત અન્ય તમામ વિદ્યાર્થી સંગઠનોએ ભાગ લીધો હતો. વિરોધ પ્રદર્શન બાદ આઈશી ઘોષે જણાવ્યું હતું કે, એક તરફ આપણા વાઈસ ચાન્સેલર ભાજપ અને આરએસએસના ઘણા મોટા કાર્યક્રમોમાં જઈ રહ્યા છે, જ્યાં તેઓ શિક્ષણની વાત કરી રહ્યા છે અને બીજી તરફ આ નિયમોથી વિદ્યાર્થીઓના અવાજને દબાવવાનો પ્રયાસ કરી રહ્યા છે અને ડરનું વાતાવરણ ઉભું કરવાના પ્રયાસો કરવામાં આવી રહ્યા છે. અમારી માંગ છે કે યુનિવર્સિટી પ્રશાસન અમારી સાથે વાત કરે, જો આમ નહીં થાય તો મોટા વિરોધ પ્રદર્શન કરીશું.

  1. NIAએ ઝીરમ હત્યા કેસમાં સંડોવાયેલા 19 નક્સલવાદીઓને ઈનામની જાહેરાત કરી
  2. Sahitya Akademi Award 2023: વિજેતા સંજીવે કહ્યું- ડિજિટલ યુગમાં પણ નવલકથાનું મહત્વનું સ્થાન
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.