મિન્સ્ક/ક્યોવઃ રશિયા અને યુક્રેન વચ્ચે 12 દિવસના યુદ્ધને લઈને દુનિયામાં તણાવ છે. રશિયાએ બીજા વિશ્વયુદ્ધ પછી (russia ukraine war) યુરોપમાં જમીન પર સૌથી મોટી લડાઈ લડી છે, પરંતુ તે અણધાર્યા સખત વિરોધનો સામનો કરી રહ્યું છે. મંત્રણાના બે રાઉન્ડમાં કોઈ ઉકેલ મળી શક્યો નથી. આજે ત્રીજા રાઉન્ડની વાતચીત (Russia Ukraine Talks) થવાની છે.
આ પણ વાંચો: CBI arrested Chitra Ramkrishna: CBIએ NSEના ભૂતપૂર્વ CEO ચિત્રા રામકૃષ્ણની ધરપકડ કરી
રશિયા-યુક્રેનના પ્રતિનિધિમંડળની બેઠક 2 કલાકમાં શરૂ થઈ શકે છે
રશિયન મીડિયા તરફથી જણાવવામાં આવ્યું હતું કે, રશિયા-યુક્રેનના પ્રતિનિધિમંડળની બેઠક 2 કલાકથી ઓછા સમયમાં શરૂ થઈ શકે છે. રશિયન પ્રતિનિધિમંડળ બેલારુસમાં રાહ જોઈ રહ્યું છે. રશિયાના રાષ્ટ્રપતિ વ્લાદિમીર પુતિનના આદેશ પર યુક્રેનમાં વિશેષ સૈન્ય અભિયાન શરૂ કરવામાં આવ્યું હતું. 11 દિવસના ભીષણ ગોળીબાર બાદ રશિયન સેનાએ યુદ્ધના 12માં દિવસે યુક્રેન સાથે યુદ્ધવિરામની જાહેરાત કરી છે.
ઈમેન્યુઅલ મેક્રોનની અપીલ પર રશિયન સેનાએ યુદ્ધવિરામની જાહેરાત કરી
રશિયન સેનાનો યુદ્ધવિરામ ભારતીય સમય અનુસાર 8 માર્ચે બપોરે 12.30 વાગ્યાથી લાગુ થશે. સમાચાર એજન્સી ANIએ સ્પુટનિકને ટાંકીને કહ્યું કે, ફ્રાન્સના રાષ્ટ્રપતિ ઈમેન્યુઅલ મેક્રોનની અપીલ પર રશિયન સેનાએ યુદ્ધવિરામની જાહેરાત કરી છે. રશિયન પ્રમુખ વ્લાદિમીર પુટિન અને તેમના ફ્રેન્ચ સમકક્ષ ઇમેન્યુઅલ મેક્રોન વચ્ચેની વાતચીત કિવ, ખાર્કિવ, સુમી અને મેરીયુપોલ શહેરોમાં માનવતાવાદી કટોકટી વચ્ચે આવી હતી. રશિયન રાષ્ટ્રપતિની અંગત વિનંતી પર, રશિયન સશસ્ત્ર દળોએ માનવતાવાદી હેતુઓ માટે યુદ્ધવિરામની જાહેરાત કરી. માનવતાવાદી કોરિડોર 7 માર્ચ 2022ના રોજ સવારે 10 વાગ્યાથી ખોલવામાં આવશે.
આ પણ વાંચો: Jan Aushadhi Day: પીએમ મોદીએ જન ઐષધિ કેન્દ્રોના માલિક અને લાભાર્થીઓ સાથે કર્યો સંવાદ
નરેન્દ્ર મોદીએ આજે રાષ્ટ્રપતિ પુતિન સાથે ફોન પર વાત કરી
ઉલ્લેખનીય છે કે, વડાપ્રધાન નરેન્દ્ર મોદીએ આજે રશિયાના રાષ્ટ્રપતિ પુતિન સાથે ફોન પર વાત કરી હતી. ફોન કોલ લગભગ 50 મિનિટ સુધી ચાલ્યો. તેમણે યુક્રેનમાં ઉભરતી પરિસ્થિતિ અંગે ચર્ચા કરી હતી. રાષ્ટ્રપતિ પુતિને પીએમ મોદીને યુક્રેનિયન અને રશિયન ટીમો વચ્ચેની વાતચીતની સ્થિતિ વિશે જાણકારી આપી.
