પંજાબ : સિદ્ધુ મુસેવાલા હત્યા કેસમાં લોરેન્સ બિશ્નોઈનું નામ સામે આવ્યું છે. લોરેન્સ બિશ્નોઈને હાલમાં જ દિલ્હીની તિહાર જેલમાંથી પંજાબની ભટિંડા જેલમાં રાખવામાં આવ્યો છે. મળતી માહિતી મુજબ લોરેન્સ બિશ્નોઈએ મંગળવારે એક ખાનગી ચેનલને લાઈવ ઈન્ટરવ્યુ આપ્યો હતો. આ પછી જેલ પ્રબંધન પર અનેક પ્રકારના સવાલો ઉઠી રહ્યા છે. આ ઈન્ટરવ્યુ પંજાબની જેલોમાં આવા કેદીઓની સુરક્ષા પર સવાલો ઉભા કરે છે.
લોરેન્સ બિશ્નોઈએ કર્યો ખુલાસો : બિશ્નોઈએ કહ્યું કે, સિદ્ધુ મુસેવાલાની હત્યા સાથે તેને કોઈ લેવાદેવા નથી. તેમણે કહ્યું કે, મુસેવાલાએ કોંગ્રેસ પાર્ટીમાં પોતાની શક્તિનો ઉપયોગ અનેક સહયોગીઓ વિરુદ્ધ કાર્યવાહી કરવા માટે કર્યો. બિશ્નોઈનું કહેવું છે કે, તે હત્યાના સમગ્ર કાવતરાથી વાકેફ હતો, પરંતુ તેમાં તેની કોઈ ભૂમિકા નહોતી. ગોલ્ડી બ્રારે આ બધું કર્યું છે. બિશ્નોઈએ દલીલ કરી હતી કે, વિકી મિધુખેરા અને ગુરલાલ બ્રારને તેમના મૃત્યુ પહેલા સિદ્ધુ મુસેવાલા સાથે કોઈ દુશ્મની નહોતી. તેણે કહ્યું કે, આ પહેલા પણ તે સિદ્ધુની હત્યા કરી શકે છે. જો કે, સિદ્ધુ સાથેની તેમની દુશ્મની વિકી મિદુખેરા અને ગુરલાલ બ્રારની હત્યા પછી જ થઈ હતી, કારણ કે તેમની હત્યામાં સિદ્ધુ મુસેવાલા સામેલ હતા.
આ પણ વાંચો : Umesh pal murder case: પ્રયાગરાજ નૈની સેન્ટ્રલ જેલમાં સ્માર્ટ ફોન સાથે ઝડપાયો યુવક
લોરેન્સ બિશ્નોઈએ ઉઠાવ્યા સવાલ : લોરેન્સ બિશ્નોઈએ કહ્યું કે, લોકો અમને ગુનેગારો અને સિદ્ધુને સામાજિક કાર્યકર્તા કહી રહ્યા છે. લોરેન્સ બિશ્નોઈએ કહ્યું કે જ્યારે સિદ્ધુએ કોઈ દેશ માટે કામ કર્યું હોય અથવા ડ્રગ્સ સ્મગલરો વિરુદ્ધ અવાજ ઉઠાવ્યો હોય તો તેને જણાવવું જોઈએ. તેણે કહ્યું કે, સિદ્ધુના કારણે અમારા ભાઈનું મોત થયું. તેની તપાસ કેમ ન થઈ? સિદ્ધુ પોતે ગેંગસ્ટર બનવા માંગતો હતો.
આ પણ વાંચો : Vadodara Crime : અજાણ્યા શખ્સે મહિલા પર પથ્થર વડે હુમલો કરી રહેંસી નાખી, જૂઓ CCTV
ભટિંડા જેલ સુપરિન્ટેન્ડેન્ટનું નિવેદન : ભટિંડા જેલને વીડિયો સાથે કોઈ લેવાદેવા નથી. 8મી માર્ચે જયપુરથી ભટિંડા જેલમાં લાવવામાં આવેલા ગેંગસ્ટર લોરેન્સ બિશ્નોઈ દ્વારા એક ખાનગી ચેનલને આપેલા ઈન્ટરવ્યુ બાદ જેલ પ્રશાસને સ્પષ્ટતા કરી હતી કે, ઈન્ટરવ્યુ પંજાબની બહારથી લેવામાં આવ્યો હતો. કારણ કે, ભટિંડા સેન્ટ્રલ જેલમાં જામર લગાવવામાં આવ્યું છે. મોબાઈલ ઈન્ટરનેટ સેવા નથી. જેલ સુપ્રિટેન્ડેન્ટ એનડી નેગીનું કહેવું છે કે, ગેંગસ્ટર લોરેન્સ બિશ્નોઈને અલગ-અલગ સમયે પૂછપરછ માટે ઘણી વખત લઈ ગયો હતો. ઈન્ટરવ્યુ તે સમયનો હોઈ શકે છે. જેલ સુપ્રિટેન્ડેન્ટનું કહેવું છે કે લોરેન્સ બિશ્નોઈ તેમની સાથે ભટિંડા જેલમાં બંધ છે. તેની પાસે અત્યારે ફોન નથી. તે કડક સુરક્ષા હેઠળ છે.
