નવી દિલ્હી: છેલ્લાં કેટલાંક વર્ષોમાં IPL ભારતમાં મજબૂત સ્પોર્ટ્સ ઈન્ડસ્ટ્રીનું નિર્માણ (IPL employment opportunities for people) કરવામાં અને આવી ઈકોસિસ્ટમ બનાવવામાં મહત્વની ભૂમિકા ભજવી રહી છે. જે માત્ર ટુર્નામેન્ટ દરમિયાન (IPL created employment) જ નહીં, પરંતુ રમતગમતની સીઝન પછી પણ ઘણી વ્યક્તિઓને રોજગારી પૂરી પાડે છે, જેમાં ટિકિટિંગ, લોજિસ્ટિક્સ, ફૂડ, સિક્યુરિટી, બિઝનેસ અને ઓફિશિયલ યુનિફોર્મ વગેરે પર કામ કરતા લોકોનો સમાવેશ થાય છે.
આ પણ વાંચો: IPL 2022: પંજાબે શાનદાર બેટિંગ કરીને રોયલ ચેલેન્જર્સ બેંગ્લોરને હરાવ્યું
મોટાભાગનો સ્ટાફ ભારતનો: 2008માં જ્યારે IPLની શરૂઆત થઈ, ત્યારે લીગ, કંપનીઓ અને ફ્રેન્ચાઈઝીઓએ વિદેશી વ્યાવસાયિકોને નોકરીએ રાખ્યા, કારણ કે સ્થાનિક પ્રતિભાઓ પાસે આટલા મોટા પાયે ટુર્નામેન્ટ ચલાવવા માટે પૂરતો અનુભવ કે, કુશળતા નહોતી, પરંતુ હવે તેમાં ઘણો બદલાવ આવ્યો છે. આજે IPLમાં કામ કરતા મોટાભાગના સ્ટાફ ભારતના છે. મોટા ભાગના IPL માલિકો કાં તો ઉદ્યોગપતિ અને સ્થાપિત મૂવી સ્ટાર્સ છે અને તેમને સ્પોર્ટ્સ લીગ ચલાવવાનો કોઈ અનુભવ નથી. પરંતુ તેઓ પણ સમયની સાથે વિકસિત થયા છે અને IPLની 15મી સિઝનમાં ફ્રેન્ચાઇઝીઓ 100 ટકા વ્યવસાયિક રીતે ચાલે છે, જે વિશેષ નોકરીઓનું સર્જન પણ કરે છે.
લોકો માટે નોકરીની વધુ તકો: ફિટનેસ ટ્રેનર્સ હોય, ફિઝિયોથેરાપિસ્ટ હોય, ટુર્નામેન્ટ ઓપરેશન સ્ટાફ હોય, ફોટોગ્રાફર્સ હોય, વિડિયોગ્રાફર્સ હોય, એવા નિષ્ણાતો હોય છે, જેઓ અન્ય વૈશ્વિક લીગની જેમ IPL ચલાવવાના વિવિધ પાસાઓની કાળજી લે છે. IPL એ માત્ર ક્રિકેટના વિકાસમાં મદદ કરી નથી. લીગનું યોગદાન વધુ આગળ વધે છે. IPLએ હોકી, ફૂટબોલ, બેડમિન્ટન, કુસ્તી, કબડ્ડી, બેડમિન્ટનને પણ પોતાની લીગ શરૂ કરવા પ્રેરણા આપી છે. લીગ એટલે ઇકોસિસ્ટમ સાથે સંકળાયેલા લોકો માટે નોકરીની વધુ તકો ઊભી કરવી, કારણ કે, લોકો હવે રમતગમતને ગંભીર રોકાણ અને માર્કેટિંગ ખર્ચ સાથેની એક વર્ષ લાંબી પ્રવૃત્તિ તરીકે જુએ છે.
IPLની 15મી સિઝન: IPLની આ 15મી સિઝન છે. પરંતુ આ પહેલા ભાગ્યે જ એવી કોઈ સિઝન આવી હોય જેમાં કોઈ વિવાદ ન હોય. દર વર્ષે, ટુર્નામેન્ટે તેની ચમક ગુમાવી છે કે કેમ, પ્રાયોજકો હજુ પણ ઉત્સુક છે કે કેમ અને દર્શકો હજુ પણ રસ ધરાવે છે કે કેમ તે મુદ્દાઓ પર ચર્ચા થાય છે. પરંતુ IPLએ આ તમામ વિવાદો અને મહામારીનો પણ સામનો કર્યો છે. નોંધનીય રીતે, IPL એ યુએઈમાં મહામારી (ઓછામાં ઓછા એશિયામાં) વચ્ચે ભયંકર બાયો-બબલમાં યોજાયેલી પ્રથમ ટુર્નામેન્ટમાંની એક હતી.
IPL 10 ટીમોની ટુર્નામેન્ટ: આ સિઝન સાથે, IPL 10 ટીમોની ટુર્નામેન્ટ બની ગઈ છે, અને બંને નવી ટીમોએ બિડિંગ પ્રક્રિયા દરમિયાન ફ્રેન્ચાઈઝી અધિકારો જીતવા માટે મોટી રકમ ચૂકવી છે. IPL મીડિયા અધિકારો માટે ટેન્ડર માટેનું આમંત્રણ (ITT) ટૂંક સમયમાં રજૂ કરવામાં આવશે, જેનું અનુસરણ ઈ-ઓક્શન દ્વારા કરવામાં આવશે અને ઉદ્યોગ નિષ્ણાતોના જણાવ્યા અનુસાર, આગામી પાંચ-વર્ષના ચક્ર (2023-2027) માટેના અધિકારોનું સંયુક્ત મૂલ્ય હશે. 50,000 કરોડની નજીક. વર્ષ 2018-2022 માટે વર્તમાન અધિકાર ધારકની રૂ. 16,347.5 કરોડની બિડથી આ ઘણો મોટો ઉછાળો છે.
આ પણ વાંચો: IPL 2022માં 28 માર્ચે ગુજરાત ટાઇટન્સ અને લખનૌ સુપર જાયન્ટ્સ વચ્ચે મુકાબલો
લીગની બ્રાન્ડ વેલ્યુ વધવાની: ફ્રેન્ચાઇઝી માટે રોકાણની કોઈ કમી નથી. કારણ કે ઘણી બ્રાન્ડ્સ અને પ્રોડક્ટ્સ હવે IPL સાથે જોડાવા માંગે છે, જે એ પણ દર્શાવે છે કે, લીગની બ્રાન્ડ વેલ્યુ માત્ર વધવાની છે. એકંદરે, IPL એ પોતાનું એક બજાર બનાવ્યું છે, રમવાનું વાતાવરણ મજબૂત કર્યું છે અને હજારો લોકોને રોજગારી આપી છે. ત્યારે ભવિષ્યમાં તેમાં વધુ વધારો થવાની ધારણા છે. ઉલ્લેખનીય છે કે, BCCI આવતા વર્ષથી છ ટીમની મહિલા IPLનું આયોજન કરવાની પણ યોજના બનાવી રહ્યું છે.
