નવી દિલ્હી: એન્ફોર્સમેન્ટ ડિરેક્ટોરેટ (ED) એ મંગળવારે નેશનલ હેરાલ્ડ મની લોન્ડરિંગ કેસના (ED Rain At Delhi) સંબંધમાં દિલ્હી સહિત અનેક સ્થળોએ દરોડા પાડ્યા હતા. ED દિલ્હીના ITO સ્થિત નેશનલ હેરાલ્ડની (National Herald Case Delhi) ઓફિસ સહિત એક જગ્યાઓ પર તપાસ કરી રહી છે. નેશનલ હેરાલ્ડ કેસમાં (AJL national herald) તપાસ એજન્સીએ તાજેતરમાં કોંગ્રેસ અધ્યક્ષ સોનિયા ગાંધી અને રાહુલ ગાંધીને (Sonia Gandhi ED Case Inquiry) પૂછપરછ માટે બોલાવ્યા હતા.
આ પણ વાંચો: સૈનિકનું પેન્શન રોકવાના મામલે SCનો કેન્દ્રને ઠપકો, કહ્યું...
10 વર્ષ જૂનો કેસ: નેશનલ હેરાલ્ડ કેસ 10 વર્ષ જૂનો છે, તેને ભાજપના નેતા સુબ્રમણ્યમ સ્વામીએ ઉઠાવ્યો હતો. વર્ષ 2014માં નરેન્દ્ર મોદીની સરકાર બન્યા બાદ આ મામલો ચર્ચામાં રહ્યો હતો. હવે જ્યારે એન્ફોર્સમેન્ટ ડિરેક્ટોરેટ આ અંગે સવાલ ઉઠાવી રહ્યું છે ત્યારે દેશનું રાજકારણ ગરમાવા લાગ્યું છે. જવાહરલાલ નેહરુએ 1937માં એસોસિએટેડ જર્નલ લિમિટેડ નામની કંપનીની રચના કરી, જેમાં અન્ય 5000 સ્વાતંત્ર્ય સેનાનીઓ શેરધારકો હતા.
અખબાર સાથેનો મામલો: કંપની ખાસ કરીને કોઈ વ્યક્તિ સાથે સંબંધિત ન હતી. આ કંપની નેશનલ હેરાલ્ડ નામનું અંગ્રેજી અખબાર પ્રકાશિત કરતી હતી. આ સિવાય AJL ઉર્દૂમાં કૌમી આવાઝ અને હિન્દીમાં નવજીવન નામના અખબારો પ્રકાશિત કરતું હતું. ધ એસોસિએટેડ જર્નલ લિમિટેડ (AJL) એ 2008 સુધી ત્રણ ભાષાઓમાં અખબારો પ્રકાશિત કર્યા. અખબારોના નામે કંપનીએ ઘણા શહેરોમાં સરકારો પાસેથી પોષણક્ષમ ભાવે જમીન મેળવી હતી. અહેવાલો અનુસાર, એસોસિએટેડ જર્નલ્સ લિમિટેડ પાસે 2010 સુધીમાં 1,057 શેરધારકો હતા. 2008 માં, કંપનીએ ખોટ જાહેર કરી અને તમામ અખબારો પ્રકાશિત કરવાનું બંધ કરી દીધું.
આ પણ વાંચો: AAPએ ચૂંટણી માટે ઉમેદવારોની પ્રથમ યાદી કરી જાહેર, ગૃહ રાજ્યપ્રધાનને માર્યો ટોણો
90 કરોડની લોન: ભાજપના વરિષ્ઠ નેતા સુબ્રમણ્યમ સ્વામીના આરોપો અનુસાર, કોંગ્રેસે પાર્ટી ફંડમાંથી વ્યાજ વગર એસોસિએટેડ જર્નલ લિમિટેડને 90 કરોડ રૂપિયાની લોન આપી હતી. ત્યારબાદ આ લોનની વસૂલાત કરવા અને એજીએલની માલિકી મેળવવા માટે નકલી કંપની બનાવીને છેડછાડ કરવામાં આવી હતી. યંગ ઈન્ડિયા કંપનીની રચના તારીખ 26 ફેબ્રુઆરી 2011ના રોજ 50 લાખના ખર્ચે કરવામાં આવી હતી. યંગ ઈન્ડિયા કંપનીમાં સોનિયા અને રાહુલ 38-38 ટકા હિસ્સો ધરાવે છે. કોંગ્રેસના નેતાઓ મોતીલાલ વોરા અને ઓસ્કાર ફર્નાન્ડીઝ પાસે બાકીના 24 ટકા હતા.
સોનિયા ગાંધી સામે સવાલ: યંગ ઈન્ડિયા કંપનીએ એસોસિયેટ જર્નલ લિમિટેડ (AJL) ની 90 કરોડની જવાબદારીઓ ક્લિયર કરવાની જવાબદારી પોતાના પર લીધી. બદલામાં, AJL એ યંગ ઇન્ડિયા કંપનીને 10-10 રૂપિયાના નવ કરોડ શેર આપ્યા. આ રીતે યંગ ઈન્ડિયાને એસોસિએટ જર્નલ લિમિટેડના 99 ટકા શેર મળ્યા. એકંદરે, એસોસિયેટ જર્નલ લિમિટેડને સોનિયા ગાંધી અને રાહુલ ગાંધીની માલિકીની યંગ ઈન્ડિયા કંપની દ્વારા લેવામાં આવી હતી. ત્યારબાદ કોંગ્રેસ પાર્ટીએ AJLને આપવામાં આવેલી 90 કરોડની લોન માફ કરી દીધી. જ્યારે આ દેવું યંગ ઈન્ડિયાને ચૂકવવાનું હતું. આ રીતે રાહુલ-સોનિયા ગાંધીને મફતમાં AJLની માલિકી મળી.
