નવી દિલ્હી: કોંગ્રેસ નેતા રાહુલ ગાંધીએ ગુજરાત કોંગ્રેસ કમિટીના(Gujarat Congress Committee) નારાજ કાર્યકારી અધ્યક્ષ હાર્દિક પટેલને રાજ્ય વિધાનસભા ચૂંટણી(Gujarat Assembly Election-2022) પહેલા પાર્ટી યુનિટમાં મતભેદો ઉકેલવા માટે પત્ર લખ્યો છે. સૂત્રોનો દાવો છે કે ખુદ રાહુલ ગાંધીએ હાર્દિક પટેલને સંદેશોRahul Gandhi wrote a letter to Hardik Patel) મોકલીને પાર્ટીમાં રહેવા માટે કહ્યું છે. તેમણે પક્ષના પ્રભારી અને અન્ય નેતાઓને મતભેદ ઉકેલવા પટેલનો સંપર્ક કરવા જણાવ્યું છે. કોંગ્રેસના મહાસચિવ રણદીપ સુરજેવાલાએ પણ પુષ્ટિ કરી છે કે પાર્ટી નેતૃત્વએ હાર્દિક પટેલ સાથે વાત કરી છે.
આ પણ વાંચો - પીએમ મોદીએ ડેનમાર્કના વડાપ્રધાન સાથે થઇ ખાસ વાત, જેથી ભારતને થશે ભવિષ્યમાં ફાયદાઓ
હાર્દિકે ટ્વિટર માંથી પદ હટાવ્યું - સુરજેવાલાએ કહ્યું કે માત્ર રાજ્ય પ્રભારી રઘુ શર્મા જ તે વાતચીતની વિગતો શેર કરી શકે છે. જો કે, જ્યારે મિડીયાએ વિકાસ પર તેમના પ્રતિભાવ માટે રઘુ શર્માનો સંપર્ક કર્યો, ત્યારે તેઓ અનુપલબ્ધ હતા કારણ કે તેમણે કૉલનો જવાબ આપ્યો ન હતો. રાજ્યના નેતૃત્વ દ્વારા તેમના પર ધ્યાન ન આપવાથી નારાજ, હાર્દિકે સોમવારે તેના ટ્વિટર બાયોમાંથી 'કોંગ્રેસ'ની તસવીર અને તેના પ્રોફાઇલ પિક્ચરમાંથી પાર્ટીનું ચૂંટણી ચિહ્ન હટાવી દીધું હતું.
આ પણ વાંચો - રાજકોટના પૂર્વ CP મનોજ અગ્રવાલની મુશ્કેલીઓ વધી, હવે કયા કેસમાં તપાસ શરૂ થઈ, જૂઓ
હાર્દિકના ગયા પછી કોંગ્રેસને થશે નુકસાન - કોંગ્રેસના એક વરિષ્ઠ નેતાએ કહ્યું કે જો હાર્દિક પાર્ટી છોડે છે તો તે કોંગ્રેસ માટે નુકસાનકારક હશે. પટેલ ભાજપમાં જોડાવા અંગે અટકળો વહેતી થઈ હતી, જેને કોંગ્રેસના નેતાએ ફગાવી દીધી હતી કારણ કે તેમની પાસે આવી કોઈ યોજના નથી, જ્યારે એમ પણ કહ્યું હતું કે તેઓ રાજ્યના પક્ષના નેતૃત્વથી નારાજ છે. તેમણે હાલમાં જ કલમ 370 નાબૂદ કરવા અને રામ મંદિરના નિર્માણ માટે ભાજપ સરકારની પ્રશંસા કરી હતી. જો કે, બાદમાં તેણે સ્પષ્ટતા જારી કરીને કહ્યું કે તે પાર્ટીના નેતાઓ રાહુલ ગાંધી કે પ્રિયંકા ગાંધીથી નહીં પરંતુ રાજ્યના નેતૃત્વથી નારાજ છે.
હાર્દિકની પ્રતિક્રિયા - હાર્દિકે જણાવ્યું હતું કે, હું રાહુલ ગાંધી કે પ્રિયંકા ગાંધીથી પરેશાન નથી. હું રાજ્યના નેતૃત્વથી નારાજ છું. હું કેમ અસ્વસ્થ છું? ચૂંટણી આવી રહી છે અને આવા સમયે ઈમાનદાર અને મજબૂત લોકોએ સાથે મળીને કામ કરવું જોઈએ. તેમને આ પદ આપવું જોઈએ. અહેવાલો અનુસાર, જુલાઇ 2015માં પાટીદાર અનામત આંદોલનનું નેતૃત્વ કરીને પ્રખ્યાત થયેલા પટેલ લાંબા સમયથી પાર્ટી નેતૃત્વથી નારાજ છે.
હાર્દિકને કયો હોદ્દો જોઇએ છે - હાર્દિક પ્રદેશ કોંગ્રેસ સમિતિના પ્રમુખ બનવા માંગતા હતા પરંતુ તેમને માત્ર કાર્યકારી પ્રમુખ બનાવવામાં આવ્યા હતા. કાર્યકારી પ્રમુખ તરીકે નિમણૂક કરવામાં આવી હોવા છતાં, રાજ્ય નેતૃત્વ દ્વારા મોટા નિર્ણયો પર તેમની સાથે સલાહ લેવામાં આવતી નથી. બીજેપીમાં જોડાવાનો ઈન્કાર કર્યા બાદ એવી અટકળો ચાલી રહી છે કે તેઓ આમ આદમી પાર્ટીમાં જોડાઈ શકે છે. આ વર્ષે ગુજરાત વિધાનસભાની ચૂંટણી યોજાવાની છે.
