- ઝાયડસની ઝાઇકોવ - ડી રસી ખરીદશે કેન્દ્ર સરકાર
- એક કરોડ રસીના ડોઝનો આપ્યો ઓર્ડર
- શરૂઆતમાં વયસ્કોને અપાશે રસી
ન્યૂઝ ડેસ્ક: કેન્દ્ર સરકારે અમદાવાદની કંપની ઝાયડસ કેડિલાના(ZYDUS CADILA)ની 3 ડોઝની વેક્સિન ઝાઇકોવ - ડીના એક કરોડ ડોઝનો ઓર્ડર આપ્યો છે. આ સાથે જ હવે ઝાયડસની આ રસી કોરોના વાઇરસ વિરોધી રસીકરણ અભિયાનનો ભાગ બની ગઇ હોવાની માહિતી સરકારના આધિકારિક સુત્રોએ આ માહિતી આપી હતી.
રસીની કિંમત 265 હોવાનો અંદાજ
સુત્રોએ જણાવ્યું હતું કે કેન્દ્રીય સ્વાસ્થ્ય મંત્રાલયે દેશમાં વિકસિત વિશ્વના પહેલા ડીએનએ વેક્સિનને કોવિડ - 19ના રસીકરણ કાર્યક્રમનો ભાગ બનાવ્યો છે. શરૂઆતમાં પ્રાથમિક ધોરણે આ રસી વયસ્કોને આપવામાં આવશે. જો કે ઝાઇકોવ - ડીએ પહેલી રસી છે જે ભારતીય ઔષધી નિયમન અનુસાર 12 વર્ષ કે તેનાથી વધુ ઉંમરના તમામને આપી શકાય છે. સુત્રોએ એવો પણ ઉલ્લેખ કર્યો હતો કે આ રસીની કિંમત ટેક્સ ઉમેરતા પહેલાં 265 રૂપિયા છે જો કે તેના પર જીએસટી પણ ઉમેરવામાં આવશે.
વયસ્કોને આપવામાં આવશે રસી
સુત્રએ એવો પણ ઉલ્લેખ કર્યો હતો કે સીમિત ઉત્પાદનના કારણે શરૂઆતમાં ફક્ત વયસ્કોને આ રસી આપવામાં આવશે. કંપનીના અધિકારીઓએ સરકારને જણાવ્યું છે કે શરૂઆતમાં તેઓ દર મહિને ઝાઇકોવ - ડીના એક કરોડ ડોઝ આપવા માટે સક્ષમ છે. આ રસીના ત્રણેય ડોઝ 28 દિવસના અંતરાલમાં આપવામાં આવશે.
આ પણ વાંચો: પ્રદૂષણથી પીડિત દિલ્હી કોરોનાની ગંભીર સ્થિતિમાં પહોંચી શકે છે: ડૉ. રણદીપ ગુલેરિયા
આ પણ વાંચો: કોવેક્સિન રસીના ઇમરજન્સી ઉપયોગ અંગે નિર્ણય લેવામાં લાગી શકે છે સમય, WHOનું નિવેદન
