શ્રીનગર: જમ્મુ-કાશ્મીરના શ્રીનગરમાં સેન્ટ્રલ રિઝર્વ પોલીસ ફોર્સ(CRPF)ના સૈનિકે પોતાની સર્વિસ રાઇફલથી પોતાને ગોળી મારી દીધી હતી. આ બનાવમાં સૈનિક ગંભીર રીતે ઘાયલ થયો હતો અને તેની હાલત નાજુક છે.મળતી માહિતી મુજબ, જવાનની ઓળખ કોન્સ્ટેબલ પરવીન મુંડા તરીકે થઈ છે. જે શ્રીનગરની સીઆરપીએફની 61મી બટાલિયનમાં છે.
સૂત્રોથી પ્રાપ્ત માહિતી અનુસાર, જવાને શુક્રવારે સવારે શ્રીનગરના દાલગેટ વિસ્તારમાં આવેલા તેના યુનિટમાં પોતાની સર્વિસ રાઇફલથી ગોળી મારી હતી. આ ઘટના પછી તરત જ સાથી સૈનિકોની મદદથી જવાનને 92 બેઝ હોસ્પિટલમાં દાખલ કરવામાં આવ્યો હતા. આ કેસમાં તપાસ ચાલી રહી છે. એવું કહેવામાં આવી રહ્યું છે કે, જવાન તેની અંગત સમસ્યાઓને કારણે થોડા સમયથી પરેશાન હતો.
