બારના સભ્યોનું કહેવું હતું કે,કલ્યાણ સિંહ હવે રાજ્યપાલ પદથી સેવાનિવૃત થઇ ગયા છે. 9 સેપ્ટેમ્બરના રોજ CBIની વિષેશ કોર્ટે આ બાબતમાં કલ્યાણ સિંહને હાજર કરવાની માગ કરી હતી. કોર્ટે કહ્યુ હતું કે, કલ્યાણ સિંહ હવે બંધારણીય હોદ્દા પર નથી. જેથી તેમણે સમન્સ ઈશ્યુ કરાયું છે. 30મી મે 2017ના રોજ આ મામલે CBIની વિશેષ કોર્ટે લાલકૃષ્ણ આડવાણી, મુરલી મનોહર જોશી, ઉમા ભારતી, વિનય કટિયાર તથા વિષ્ણુ હરી ડાલમિયા પર કલમ 120B અંતર્ગત આરોપ લગાવ્યો હતો.
CBIની તપાસ બાદ આ મામલે કુલ 49 આરોપીઓ વિરૂદ્ધ આરોપ પત્ર દાખલ કરાયુ હતું.જેમાંથી 16 આરોપીઓના મૃત્યું થઇ ગયા છે. આ કેસમાં 32 આરોપીઓ વિરૂદ્ધ સુનાવણી થઇ રહી છે .2017માં હાઇકોર્ટે આ કેસની સુનાવણી 2 વર્ષમાં પૂર્ણ કરવાના આદેશ આપ્યા હતા. 6 ડિસેમ્બર 1992ના રોજ બાબરી મસ્જિદ વિધ્વંસ થતાં 49 FIR દાખલ કરાઈ હતી.
