મોડાસામાં મહેમાન બનેલા વડાપ્રધાન મોદીએ પ્રચારસભા ગજવી હતી. જેમાં તેમણે કોંગ્રેસ સરકાર પર આકરા પ્રહાર કર્યા હતા. તેમણે કહ્યું હતું કે,વીસ વર્ષમાં વીજળી મળે એવી વ્યવસ્થા કરી હતી. વીસ વર્ષે પહેલા રસ્તાના ઠેકાણા ન હતા. આજે ગામેગામ રસ્તાઓ કર્યા છે. આજે આખા ગામમાં જ નહીં સમગ્ર ગુજરાતમાં શૌચાલય બનાવ્યા છે. મહિલાઓ પહેલા લાકડાથી રસોઈ કરતી, આજે ઘેર ઘેર ગેસના ક્નેક્શન આપ્યા છે. વીસ વર્ષ પહેલા નાનામાં નાના કામ માટે ગાંધીનગર ધક્કા ખાવા પડતા, પણ હવે ઈગ્રામ અને સર્વિસ સેન્ટર બનાવી છે. કુપોષણમાંથી સુપોષણ સુધી લાવવાના પ્રયાસ કર્યા છે.
બીમારી હોય તો શું થાયઃ આઈકે જાડેજા સમજાવતા કે, મોટી બીમારી આવે તો પરિવારમાં શું થાય. ઘરમાં મોટી બીમારી આવે તો મુશ્કેલીઓ પડે એ પણ આર્થિક રીતે, એટલે આયુષ્યમાન યોજના લાવ્યા. જેમાં પાંચ લાખ રૂપિયા સુધીની કોઈ બીમારી આવે તો બીલ આ (PM Modi Modasa Visit) દીકરો ભરે છે. મહિલાઓનો સ્વભાવ હોય કે પીડા થાય તો પણ કોઈને કહે જ નહીં. કારણ કે તબિયત બગડે તો દવાના ખર્ચા થાય. ગુજરાતમાં આ મહિલાઓ દુઃખ સહન કરતી હતી. જે સહન થયું. એટલે નક્કી કર્યું કે, પાંચ લાખ સુધીની કોઈ પણ બીમારીનો ખર્ચ આ દીકરો કરે છે. જે માટે આયુષ્યમાન યોજના છે. 70 હજારથી વધારે લાભાર્થીઓ તો ગુજરાતમાં છે.
પાણીની મુશ્કેલીઃ સુરત વલસાડ અને તાપીના પટ્ટાને બાદ કરતા પાણીની મુશ્કેલીઓ (Modasa BJP office) શરૂ થાય. વીસ વર્ષ સુધી સેવા યજ્ઞ શરૂ કર્યું. ગુજરાતને પાણીના સંકટમાંથી બહાર લાવવાનું કામ કર્યું છે. પાણીની સુવિધાથી ઉત્તર ગુજરાત બદલાયું છે. જેની અસર એની આર્થિક રીતે થઈ છે. અમે નાના ખેડૂતોની (Gujarat BJP Election Campaign) ચિંતા કરી છે. ઓછા પાક લઈને દિવસો કાઢતો હોય છે. અમે વર્ષમાં ત્રણ ચાર વાર પીએમ કિસાન યોજના અંતર્ગત દર મહિને ફંડ આપી રહ્યા છે. એ પણ રકમ સીધા ખેડૂત
મિલેટ યરઃ આખી દુનિયામાં જવાર અને બાજરીનું મોટું માર્કેટ ઊભું થશે. જેનો લીધો લાભ આ અરવલ્લી મોડાસાને થશે. વીજળીના ઉત્પાદનમાં ગુજરાતમાં નવા કારખાના ઊભા કર્યા છે. ગુજરાત જરૂરિયાત કરતા વધારે વીજ ઉત્પાદન કરે છે. કોરોનાકાળમાં વીજળી હતી એટલે બાળકો ઘરેબેઠા મોબાઈલ ફોનથી ભણી શક્યા. હવે તો ફાઈવજી આવી રહ્યું છે. પહેલા કરતા પાંચ ગણી ક્ષણતા વીજળી પેદા કરવાની છે. ગુજરાતમાં સોલાર પાવરનો પ્રોજેક્ટ શરૂ કર્યો છે. દસગણી વીજળી સૂર્યશક્તિથી પેદા કરવાનું કામ કરીએ છીએ. મારૂ સપનું છે કે, એક આખું ગામ સૂર્યશક્તિથી ચાલે છે. ગુજરાતમાં બધેય આ કરવું છે. જેથી વીજળી તો ઘરમાં મફત આવે સાથે વીજળી બીજાને આપી શકાય વીજળીમાંથી કામાણી કરી શકાય એ કામ મોદી જ કરી શકે.
ખેડૂતનું જીવન પણ બદલવું છે. વીજળીના ભાવ માટે ઉત્તર ગુજરાત અને કચ્છી પટેલના ખેડૂતો આંદોલન કરતા. એ સમયે કોંગ્રેસની સરકાર ગોળીઓ દેતી હતી. વીજળી લેવા ગયા હતા અને એને મારી નાંખ્યા. અન્નદાતાને ઊર્જાદાતા બનાવી દીધા છે. ખેતરના કિનારે સોલાર પેનલ લગાવવી શકાય. વધારાની વીજળી સરકારને વેચી શકાય. વીજળી સસ્તી કરવાનું નહીં પણ વીજળી ઉત્પાદનનું કામ અમે કરી શક્યા છે. આ કામ કર્યું છે. પાંચ લાખથી વધારે ક્નેક્શન કર્યા છે. જે પાંચ લાખ હતા એ વીસ લાખે પહોંચ્યા છે. કિસાન ક્રેડિટ કાર્ડ પર ખૂબ કામ ક્યું છે. પહેલી વખત એમએસપી નક્કી કર્યા છે. 90 જેટલી ચીજ એમ એસપ પથી ખરીદાય છે. આ વિકાસની વાત લઈને આ્યો છં. ગુજરાતનો વિકાસ કરવાનું કામ યુવાનોના હાથમાં છે.
મતદાનના તમામ રેકોર્ડ તોડવાનાઃ આ વખતે અરવલ્લી જિલ્લાના મતદાનના તમામ રેકોર્ડ તોડવાના છે. દરેક ઘરમાં આ વાત પહોંચાડવાની છે. મારો જિલ્લો છે. હકથી કહી શકું છું. હુલ્લડ થવાની દુકાનો બંધ થઈ ગઈ છે. મોડાસામાં શું થતું એ મને ખબર છે. આ દિવસો હતા. શાતિં અને એકતામાં જ બધાનું ભલું છે. વીસ વર્ષમાં આ વસ્તુ કરીને બતાવી છે. મારૂ એક કામ કરવાનું છે. બધાના ઘરે જઈ વડીલોને કહેવાનું છે કે, આપણા નરેન્દ્રભાઈ મોડાસા આવ્યા હતા. તમને પ્રણામ પાઠવ્યા છે. એના આશીર્વાદ એ મારી તાકાત છે. એ તાકાતથી મને દેશસેવા કરવાની શક્તિ મળે છે.
અરવલ્લી : ગુજરાત વિધાનસભાની પૂર્ણ કાળની ચૂંટણી (Gujarat Assembly Election 2022) ડીસેમ્બરમાં યોજવાની થાય છે. જેથી રાજકીય ગતિવિધિઓ તેજ થઇ ગયેલ જોવા મળી રહી છે. આ સમયે અરવલ્લીની ત્રણ વિધાનસભાની બેઠકો સત્તા પક્ષ અને વિપક્ષ માટે મહત્વની છે. કેમ કે ગત વખતે અરવલ્લીની ત્રણે બેઠકો પર કોંગ્રેસના પંજાએ છાપ છોડી હતી. ત્યારે આ વખતે અરવલ્લીના મોડાસા-ધનસુરા વિધાનસભા બેઠકની (Modasa Assembly Seat) પરિસ્થિતિ શું છે તે જાણીએ.
મોડાસા વિધાનસભા બેઠકની ડેમોગ્રાફી : 25,319 મતદારોનો વધારો આ વખતે નોંધાયો છે. જિલ્લાના મોડાસા-ધનસુરા વિધાનસભા ( Modasa Assembly Seat) મતક્ષેત્રમાં કુલ 2,69,703 મતદારો છે. જેમાં 1,37,260 પુરૂષ મતદારો,1,32,425 સ્ત્રી મતદારો તેમજ 18 અન્ય મતદારો છે. જે ગત વખતની સરખામણીમાં 25,319 મતદારોનો વધારો સૂચવે છે. જ્ઞાતિ સમીકરણોની વાત કરીએ તો મોડાસા અને ધનસુરા તાલુકામાં ઠાકોર સમાજની વસ્તી વધુ છે. જેથી રાજકીય પક્ષો કેટલાય વર્ષોથી મોડાસા- ધનસુરા મતવિસ્તારમાં ઠાકોર સમાજના ઉમેદવારોની પસંદગી કરે છે. લેઉઆ,કડવા અને કચ્છી પટેલોની વસ્તી પણ નોંધપાત્ર છે. તો બીજી બાજુ મોડાસા તાલુકામાં લધુમતી મતો પણ કુલ મતોના 10-11 ટકાનું અનુમાન છે.
અગાઉની ચૂંટણીના પરિણામ : સાબરકાંઠાથી વિભાજીત કરી 15 ઓગષ્ટ 2013માં અરવલ્લી જિલ્લાનું સર્જન થયુ હતું. માઝુમ નદીના કાંઠે વસેલા મોડાસાને મુખ્ય મથક બનાવામાં આવ્યુ હતું. મોડાસમાં ( Modasa Assembly Seat) છેલ્લા બે ટર્મથી કોંગ્રેસ પક્ષના રાજેન્દ્રસિહ ઠાકોર વિજયી થયા છે. 2012માં તેમણે ભાજપના ચાર વખતના ધારાસાભ્ય દિલીપસિંહ પરમાર ને 22,858 મતોથી હરાવ્યાં હતાં. જ્યારે 2017માં કોંગ્રેસ પક્ષના રાજેન્દ્રસિહ ઠાકોરને 83,411 મત મળ્યાં હતાં અને ભાજપના પરમાર ભીખુસિંહજી ચતુર્થીસિંહજીને 81,771 મત મળ્યાં હતાં. આમ રાજેન્દ્રસિહ ઠાકોરે 1640 મતોની પાતળી સરસાઇથી જીત હાંસલ કરી હતી.
મોડાસા વિધાનસભા બેઠકની ખાસિયત : ટ્રક ટ્રાંસપોર્ટના વ્યવસાયના પગલે મુંબઇ, દિલ્હી,ઉદેપુર, જયપુર, ફરીદાબાદ અને અન્ય શહેરોમાં મોડાસાની ( Modasa Assembly Seat)એક આગવી છાપ છે. મોડાસામાં અલ્પ વિક્સીત જી.આઇ.ડી.સી આવેલ છે. જેમાંથી કેટલીક કંપનીઓ દ્રારા ખાદ્ય તેમજ અન્ય વસ્તુઓ બનાવી વિદેશમાં નિકાસ કરવામાં આવે છે. આ બેઠક પરથી 1995 પછી હજુ સુધી ઠાકોર સમાજના ઉમેદવાર સિવાય કોઇ અન્ય સમાજ ઉમેદવારની જીત થઇ નથી અને બન્ને પક્ષોના ઉમેદવારોને ઠાકોર સમાજના વોટ લગભગ સરખા મળે છે.
AIMIM ફેક્ટર : અરવલ્લીમાં મોડાસા તાલુકામાં ( Modasa Assembly Seat)લઘુમતી મતો વિધાનસભાની ચૂંટણીઓમાં કેટલીક વખત નિર્ણાયક સાબિત થાય છે. ગત નગરપાલિકાની ચૂંટણીમાં મોડાસામાં એઆઈએમઆઈએમ પક્ષે ઝંપલાવ્યુ હતું અને 36માંથી 9 બેઠકો કબ્જે કરી હતી. જે કોંગ્રેસ માટે મોટી ચિંતાનો વિષય છે. કેમ કે ગત વખતે વિધાનસભાની ચૂંટણીમાં કોંગ્રેસના ઉમેદવાર ફકત 1640 મતે જીત્યા હતાં. જો એઆઈએમઆઈએમ કોઇ ઉમેદવાર ઉભો રાખે તો કોંગ્રેસના હાથમાંથી સીટ જાય તેવી શક્યતાઓ નકારી શકાય નહી. જેમાં એઆઈએમઆઈએમ જીતવાના ચાન્સ તો “ન બરાબર” છે પરંતુ ભાજપને ચોક્ક્સપણે ફાયદો થઇ શકે છે.
મોડાસા વિધાનસભા વિસ્તારની લોક માંગ : અરવલ્લી જિલ્લાના મુખ્ય મથક મોડાસામાં ( Modasa Assembly Seat)છેલ્લા ઘણાં સમયથી સિવિલ હોસ્પિટલની માંગ છે. જિલ્લો અસ્તિત્વમાં આવ્યાંને 9 વર્ષ ઉપર થવા આવ્યા છતાં સિવિલ હોસ્પિટલની માંગ સંતોષાઇ નથી. કોંગ્રેસ આ મુદ્દે વારંવાર ધરણા કરી ચૂકી છે છતાં કોઇ જ પરિણામ નથી. સિવિલ હોસ્પિટલ માટે ફાળવેલી જગ્યા બે વખત બદલવામાં આવી છે. ચૂંટણી આવતાં ફરીથી આ અંગે વહીવટીતંત્ર સંક્રિય થયું છે.
