snowfall celebration: ઉત્તરાખંડના આ ગામમાં હિમવર્ષા થતાં લોકો ઉજવણી કરવા લાગ્યા

By ETV Bharat Gujarati Desk

Published : Feb 1, 2024, 10:27 AM IST

thumbnail

ઉત્તરાખંડ: ટિહરીના ગંગી ગામમાં ભારે હિમવર્ષા થઈ છે. હિમવર્ષા થતાં ગામલોકોમાં ખુશીની લહેર ફરી વળી છે અને તેઓ આનંદથી ઝૂમી ઉઠ્યા છે. ગામલોકો તેમના ઘરની બહાર આવી ગયા અને નાચ- ગાન કરવા લાગ્યા. ગ્રામજનોએ જણાવ્યું હતું કે, લાંબા સમયથી વરસાદ કે હિમવર્ષા થઈ નથી. જેના કારણે પાકને નુકસાન થયું હતું. હવે અચાનક વરસાદની સાથે હિમવર્ષા થઈ છે. હવે પાક પણ સારો થશે. હિમવર્ષાનો આનંદ માણતા ગ્રામજનો મંદિરના પ્રાંગણમાં નાચવા લાગ્યા હતાં. લાંબા સમયથી હિમવર્ષાની રાહ જોવાઈ રહી હતી. આજે સુરકંડા મંદિર, ધનોલ્ટી તેમજ ટિહરી જિલ્લાના ઉચ્ચ વિસ્તારોમાં હિમવર્ષા થઈ હતી. જેના કારણે ધનૌલટી વિસ્તારમાં પ્રવાસીઓની અવર-જવર દેખાવા લાગી છે. ધનોલ્ટી વિસ્તારમાં સિઝનની સારી હિમવર્ષા થઈ છે. જિલ્લાના વિવિધ ભાગોમાં સતત બે-ત્રણ મહિનાથી સામાન્ય કરતાં ઓછા વરસાદને કારણે પાક પર પ્રતિકૂળ અસર થઈ રહી છે, ત્યારે સૂકી ઠંડીના કારણે લોકોને મુશ્કેલીનો સામનો કરવો પડી રહ્યો છે. ઘણા દિવસો બાદ વરસાદથી લોકોને રાહત મળી છે. આ સાથે જ સમગ્ર ટિહરી ગઢવાલ જિલ્લો વરસાદના કારણે શીત લહેરની લપેટમાં આવી ગયો છે. હવામાન વિભાગે ઉત્તરાખંડના પહાડી જિલ્લાઓમાં પણ હિમવર્ષા થવાની આગાહી કરી હતી. દેહરાદૂનમાં મોડી રાતથી જ ઝરમર ઝરમર વરસાદ શરૂ થયો હતો. હવામાન વિભાગે રાજ્યમાં યલો અને ઓરેન્જ એલર્ટ પણ જારી કર્યું છે.

ABOUT THE AUTHOR

...view details

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.